రామానాయుడు స్టూడియోస్ సమర్పించు ‘శ్రీరెడ్డి సవాల్’

టాలీవుడ్‌లో ప్రజెంట్ టాప్ ట్రెండింగ్ సెలబ్రిటీ ఎవరన్నా ఉన్నారా అంటే అది శ్రీ రెడ్డే. తెలుగు పరిశ్రమలో ఉన్న క్యాస్టింగ్ కౌచ్ కామ భూతాన్ని ఆధారాలతో సహా బయటపెట్టి ఎంతో మంది రసికరాజుల గుట్టును మీడియా సాక్షిగా బజారుకీడ్చింది శ్రీరెడ్డి. తనకు సినిమాల్లో అవకాశాలను ఎరచూపి శారీరకంగా మానసికంగా హింసించిన టాలీవుడ్ బడా బాబుల గుట్టు ఒక్కొక్కటిగా బయటపెడుతుండటంతో ఆమె ఎప్పుడు ఎవరి పేరును బయటపెడుతుందోనని టాలీవుడ్ రసికరాజుల్లో కంటి మీద కునుకు లేకుండా పోయింది. ఇటీవల అర్ధనగ్న ప్రదర్శనతో ప్రపంచ వ్యాప్తంగా ఆమె పేరు మారుమోగడంతో పాటు అనూహ్యంగా వివిధ మహిళా, ప్రజా సంఘాల మద్దతుని కూడాగట్టింది శ్రీరెడ్డి.

శ్రీరెడ్డి లీక్ వీరుల్లో వరుసగా... సింగర్ ఇండియన్ ఐడల్ శ్రీరామ్, వైవా హర్ష, నిర్మాత పుప్పాల రమేష్, రచయిత కోన వెంకట్, దర్శకుడు కొరటాలతో పాటు బడా ప్రొడ్యుసర్ దగ్గుబాటి సురేష్ పుత్రరత్నం దగ్గుబాటి అభిరామ్‌‌ రాసలీలకు సంబంధించిన గుట్టును మీడియాకు ఇచ్చింది శ్రీరెడ్డి. కాగా మూవీ ఆర్టిస్ట్ అసోసియేషన్ తనపై విధించిన బ్యాన్‌ని ఎత్తివేస్తూ నిర్ణయం తీసుకున్నా.. ఎట్టి పరిస్థితుల్లోనూ వెనక్కి తగ్గే ప్రసక్తే లేదంటూ తన నిరసనకు ఒక ఉద్యమరూపం తీసుకొచ్చింది శ్రీరెడ్డి.

తెలుగు హీరోయిన్లుకు ప్రత్యేక కోటా ఇవ్వాలని, థియేటర్ గుప్తాధిపత్యం నశించాలంటూ నిరసనకు దిగిన తాజాగా ఇవాళ సరికొత్త డిమాండ్‌తో ముందుకొచ్చారు. ‘వందల మంది ఆడ పిల్లల మానాలు నలిగిన రామానాయుడు స్టూడియోస్ నుండి ఆ అమ్మాయిలకి న్యాయం జరగాలి, అభిరామ్ లాంటి వాళ్ళని నిర్భయ చట్టం కింద అరెస్ట్ చేయాలి, ఇక ముందు ఏ అమ్మాయి జీవితంతో ఆడుకోవాలన్నా భయపడాలి, నా ఉద్యమానికి మరకలు అంటించే వాళ్ళకి ఇదే నా సవాల్’ అంటూ ఫేస్ బుక్, ట్విట్టర్ ద్వారా బహిరంగ సవాల్ విసిరారు శ్రీరెడ్డి.
కాగా శ్రీరెడ్డికి నిరసనకు తన మద్దుతు తెలిపారు పవన్ కళ్యాణ్. ఈ సందర్భంగా మాట్లాడుతూ.. అన్యాయం జరిగితే పోలీస్ స్టేషన్‌లో ఫిర్యాదు చేయాలని.. ఏదైనా చట్టబద్దంగా వెళితేనే సరైన న్యాయం జరుగుతుందని రోడ్లపైన నిరసనలు, మీడియా చర్చల్లో పాల్గొనడం వల్ల ఉపయోగం ఉండదన్నారు పవన్ కళ్యాణ్.