ఈ మానవుని చెంత చేరి, అచ్చిక బుచ్చికలాడి, మచ్చిక చేసుకొని, నా అంగుళీయకము సంపాదించెద అంటూ ఇంద్రలోకం నుండి భూలోకం చేరిన అతిలోక సుందరి శాశ్వతంగా స్వర్గలోకం చేరుకుంది. వివాహ వేడుకకు దుబాయ్ వెళ్లిన అతిలోకసుందరి శ్రీదేవి శనివారం రాత్రి తిరిగిరాని లోకాలకు చేరడంతో ‘దివికేగిన దేవకన్యా దిగి రావా’ అంటూ కన్నీరుమున్నీరౌతూ ఆమె సినిమాలను స్మరించుకుంటున్నారు. ఈ సందర్భంగా 1990లో వచ్చిన ‘జగదేకవీరుడు-అతిలోకసుందరి’ మూవీలో ఇంద్రజగా ఆమె చేసిన పాత్ర అజరామరం. ‘సోషియో ఫాంటసీ’ చిత్రాల్లో ఈ మూవీ ఓ ట్రెండ్ సెట్టర్ అయితే ఇందులో సాంగ్ మ్యూజిక్ లవర్స్ని ఉర్రూతలూగించాయి. ముఖ్యంగా చిరంజీవి చేతిలో చెంపదెబ్బ తిని ‘అబ్బని తియ్యని దెబ్బ’ అంటూ పాడిన పాట అప్పట్లో పెద్ద సన్సేషన్. ‘అమ్మని నున్నని బుగ్గ ఎంత లేతగా ఉన్నదే మొగ్గ’... చిటపట నడుముల ఊపులో ఒక ఇరుసున వరసలు కలవగా..’ అంటూ వేటూరి గీత రచన, శ్రీదేవి అందం అందచందాలు ఈ పాటను మళ్లీ మళ్లీ చూసేందుకు ప్రేక్షకులు థియేటర్కి క్యూ కట్టేలా చేసింది. ఆ సాంగ్ మీకోసం!!
శ్రీదేవిని చిరు కొట్టిన చెంపదెబ్బే సెన్సేషన్!
ఈ మానవుని చెంత చేరి, అచ్చిక బుచ్చికలాడి, మచ్చిక చేసుకొని, నా అంగుళీయకము సంపాదించెద అంటూ ఇంద్రలోకం నుండి భూలోకం చేరిన అతిలోక సుందరి శాశ్వతంగా స్వర్గలోకం చేరుకుంది.
TNN 26 Feb 2018, 7:25 pm