Supritha: సురేఖావాణికి బాయ్ ఫ్రెండ్.. మంచి హైట్, ఫిజిక్, డబ్బు, గెడ్డం అన్నీ ఉన్నోడే.. సీక్రెట్ చెప్పేసిన కూతురు సుప్రిత

Surekha Vani Boyfriend: భర్త చనిపోయిన తరువాత సీనియర్ నటి సురేఖావాణి సింగిల్‌గానే ఉంది. అయితే ఆమె పెళ్లికి సంబంధించి అనేక రూమార్లు చక్కర్లు కొడుతూనే ఉంటాయి. అయితే వీటిపై పలు సందర్భాల్లో స్పందించిన సురేఖావాణి తనకి పెళ్లిపై ఇప్పట్లో ఆలోచనలేదని చెప్పకనే చెప్పేసింది. అయితే ఆమె కూతురు సుప్రిత మాత్రం తన తల్లి బాయ్ ఫ్రెండ్ గురించి సీక్రెట్స్ బయటపెట్టేసింది. తాజాగా ఇంటర్వ్యూలో తమకి సంబంధించిన పర్సనల్ విషయాలను రివీల్ చేశారు ఈ తల్లీ కూతుళ్లు.

Authored byశేఖర్ కుసుమ | Samayam Telugu 13 Aug 2022, 8:22 am

తల్లీకూతుళ్ల యందు.. సుప్రితా-సురేఖావాణి వేరయా అనేట్టుగానే ఉంటారు ఈ ఇద్దరు. మామ్ డాటర్ ఉంటే ఇలా ఉండాలబ్బా.. అనే వాళ్లు కొందరైతే ఇదేం విచ్చలవిడి బాబోయ్ ఛీ ఛీ అనేవాళ్లు చాలామంది ఉంటారు. పొగిడేవాళ్లు కొందరు.. తిట్టేవాళ్లు మరికొందరు. ఎవరు ఏం అనుకుంటే ఏం.. మేం మాత్రం తగ్గదేలే అనేట్టుగానే ఉంటారు సుప్రిత- సురేఖవాణిలు.

Surekha Vani And Supritha — సురేఖావాణి, సుప్రతి

కలిసి తిరుగుతారు.. కలిసి తాగుతారు.. కలిసి ఎంజాయ్ చేస్తారు.. ఇక బట్టల విషయంలో కూడా.. నువ్ ఫ్రాక్ వేస్తే నేను బికినీపోతా అనేట్టుగానే ఉంటుంది ఈ తల్లీకూతుళ్ల యవ్వారం. ఇటీవల కూతురు బర్త్ డే పార్టీలో కూతురుకి చిన్నప్పుడు ఉగ్గుపట్టినంత ఓపిగ్గా.. మందు పట్టింది సురేఖావాణి. ఆ వీడియో తెగ వైరల్ అవుతోంది.

ఇకపోతే తాజా ఇంటర్వ్యూలో ఈ తల్లీ కూతుళ్లు మరింత ఓపెన్ అయ్యారు. ప్రముఖ యూట్యూబర్ నిఖిల్‌కి ఇచ్చిన ఇంటర్వ్యూలో తమ పర్సనల్ విషయాలను షేర్ చేసుకున్నారు. ఈ ముగ్గురికీ సరిగ్గా సరిపోయేట్టుగానే టైటిల్ కూడా ఉంది. ‘నిఖిల్‌తో నాటకాలు’ అనే ప్రత్యేక కార్యక్రమంలో పర్ఫెక్ట్ జోడీని ఎంచుకున్నాడు నిఖిల్. టైటిల్‌కి యాప్ట్ అయ్యేట్టుగా.. ఇందులో చాలా నాటకాలు కనిపించారు.

దీనిలో భాగంగా.. తల్లీకూతుళ్లు ఇద్దరికీ ఎస్/నో బోర్డ్‌లు ఇచ్చి రకరకాల ప్రశ్నలు అడిగాడు నిఖిల్. మీ ఇద్దరూ సింగిలా.. బాయ్ ఫ్రెండ్స్ లేరా అని అడగ్గా.. ఇద్దరూ నో అని అనేశారు. అక్కడితో ఆగితే వీళ్లిద్దరూ హాట్ టాపిక్ ఎందుకు అవుతారు కానీ.. కూతురేమో నాకు మంచి బాయ్ ఫ్రెండ్ కావాలి అని అన్నది. నాకొక బాయ్ ఫ్రెండ్ కావాలి అని కూతురు పాట అందుకుంటే తల్లీకూడా.. నాకూ కావాలి అంటూ అదే పాటను అందుకుంది.

ఓహో.. ఎలాంటి బాయ్ ఫ్రెండ్ కావాలి ఆంటీ అని నిఖిల్ అడగ్గా.. పెద్ద లిస్టే చెప్పింది సురేఖా వాణి. ‘నన్ను మంచిగా అర్ధం చేసుకోవాలి.. మంచి వ్యక్తి అయ్యి ఉండాలి.. మంచి హైట్ ఉండాలి.. నైస్ ఫిజిక్ ఉండాలి.. లైట్‌గా గెడ్డం ఉండాలి.. బాగా డబ్బులు ఉండాలి’ అని చెప్పింది సురేఖా వాణి.

అయితే పక్కన ఉన్న సుప్రిత.. తెగ సిగ్గుపడుతూ ‘కెమెరా వైపు చూస్తూ.. మీకు ఇవేమీ లేవు కదా సార్’ అని మ్యాటర్ లీక్ చేస్తూ.. తల్లి సురేఖావాణికి ఎవరో బాయ్ ఫ్రెండ్ ఉన్నాడనే విషయాన్ని చెప్పకనే చెప్పేసింది. సుప్రిత మ్యాటర్ లీక్ చేస్తుంటే.. సురేఖా వాణి తెగ సిగ్గుపడిపోయింది. అయితే ఎవరో ఉన్నారన్నమాట.. చెప్పండి ఎవరో అని యాంకర్ నిఖిల్ అడగ్గా.. పేరు చెప్పడానికి మాత్రం ఇష్టపడలేదు ఈ ఇద్దరూ.

తరవాత కథనం