MeToo: ‘ఆరోపణలు చేసేందుకు ఆమెకు సిగ్గుండాలి’

లైంగిక వేధింపుల ఆరోపణల్ని పదేళ్ల తర్వాత తెర మీదకు తీసుకొచ్చిన నటి తనుశ్రీ దత్తా. ప్రముఖ నటుడు నానా పటేకర్‌పై లైంగిక వేధింపుల ఆరోపణలు, ఆపై ఫిర్యాదు చేసింది. దీంతో దేశంలో #MeToo మీటూ ఉద్యమం మొదలై ప్రకంపనలు రేపుతోంది. అయితే తనుశ్రీ మాత్రం మరో నటి రాఖీ సావంత్ చేసే ఆరోపణలకు ఇబ్బందులకు గురవుతున్నారు. లెస్బియన్ అంటూ తనపై రాఖీ దుష్ప్రచారం చేసేందుకు రాఖీకి సిగ్గుండాలంటూ తనుశ్రీ ఆగ్రహం వ్యక్తం చేశారు.

రాఖీ సావంత్ బ్రెస్ట్ సర్జరీతో పాటు బ్రెయిన్ సర్జరీ కూడా చేయించుకుందా అని తనుశ్రీ ప్రశ్నించారు. ఆమె అబద్ధాలు, మాటలను నమ్ముతూ స్నేహం చేసే వాళ్లు కూడా నాశనం అవుతారన్నారు. హిందువులు, బౌద్ధులు తమ విశ్వాసాలలో భాగంగా గుండు చేయించుకోవడం ఆనవాయితీ అన్నారు. తాను ఆధ్యాత్మిక చింతనలో భాగంగా గుండు చేయించుకున్నందునే లెస్బియన్ (స్వలింగ సంపర్కురాలు) అని రాఖీ దుష్ప్రచారం చేస్తుందన్నారు. తాను డ్రగ్స్ తీసుకుంటానని, మద్యం సేవిస్తానని తీవ్ర ఆరోపణలు చేయడం వెనుక పెద్ద కారణం ఉందన్నారు.
చదవండి: MeToo సంబంధిత కథనాల కోసం క్లిక్ చేయండి

‘దాదాపు పదేళ్ల కిందట విదేశాలకు వెళ్లేందుకు విమానాశ్రయంలో ఉన్న సమయంలో రాఖీ నన్ను కలిసింది. నా వివరాలు అడిగిన తర్వాత, క్రైస్తవ మతం స్వీకరిస్తే మంచి జరుగుతుంది. లేకపోతే నరకానికి వెళ్తావని రాఖీ హెచ్చరించింది. ఆమె చెప్పింది నిజమో కాదో తెలుసుకోవడానికి బైబిల్ చదివాను. అందులో అలాంటి విషయాలు లేవని గ్రహిచాను. లైంగిక వేధింపుల ఆరోపణలు చేసిన నేను.. రాఖీ నన్ను మతం మారాలని బలవంతపెట్టిన విషయాన్ని బహిర్గతం చేస్తానన్న భయంతోనే నానా పటేకర్‌కు మద్దతిస్తూ విమర్శలు చేస్తుందని’ తనుశ్రీ వివరించారు.
చదవండి: ‘ఆమె లెస్బియన్.. నన్ను పలుమార్లు రేప్ చేసింది’