Ponniyin Selvan: కుందవై యువరాణి వచ్చేసింది.. త్రిష ఫస్ట్ లుక్ రిలీజ్

స్టార్ డైరెక్టర్ మణిరత్నం (Mani Ratnam) డ్రీమ్ ప్రాజెక్ట్ 'పొన్నియన్ సెల్వన్-1' (Ponniyin Selvan) ప్రమోషన్ కార్యక్రమాలను మూవీ మేకర్స్ డిఫరెంట్‌గా చేస్తున్నారు. మూవీ నుంచి రోజుకో అప్‌డేట్‌తో ఆకట్టుకుంటున్నారు. ఈ సినిమాపై మరింత ఆసక్తి క్రియేట్ చేసేలా చేస్తున్నారు. ఇటీవల PS-1 మూవీ ఫస్ట్ లుక్ మోషన్ పోస్టర్ రిలీజ్ చేయగా.. ఆడియన్స్ నుంచి భారీ రెస్పాన్స్ వచ్చింది. అదేవిధంగా నటీనటులకు సంబంధించి రోజుకోకరి ఫస్ట్ లుక్ పోస్టర్ విడుదల చేస్తూ.. అంచనాలు పెంచేస్తున్నారు. ఈ సినిమాలో విక్రమ్‌, జ‌యం ర‌వి, కార్తి, ఐశ్వర్య రాయ్‌, త్రిష వంటి సూపర్ స్టార్లు కీలక పాత్రలు పోషిస్తున్నారు.

తాజాగా ఈ సినిమాలో నటి త్రిష (Trisha Krishnan First Look Poster) ఫస్ట్ లుక్ పోస్టర్‌ను రిలీజ్ చేశారు మేకర్స్. 'పురుషుల ప్రపంచంలో ధైర్యం ఉన్న స్త్రీ. కందువై యువరాణి' అంటూ త్రిష క్యారెక్టర్‌ను పరిచయం చేశారు. ఈ పోస్టర్‌లో బ్యూటీఫుల్ ప్రిన్సెస్‌గా త్రిష (Trisha Krishnan) కనిపిస్తోంది. రాయల్టీ లుక్‌లో ఆమె అదరగొట్టేసింది.

ఇప్పటికే పొన్నియన్ సెల్వన్ సినిమాలోని విక్రమ్, కార్తీ, ఐశ్వర్య రాయ్‌ల ఫస్ట్ లుక్ పోస్టర్స్‌ను విడుదల చేయగా.. ప్రేక్షకుల నుంచి భారీ రెస్పాన్స్ వచ్చింది. దాదాపు దాదాపు రూ.500 కోట్లతో తెరకెక్కుతున్న ఈ మూవీ రెండు భాగాలుగా రానుంది. సెప్టెంబర్ 30న ఈ సినిమా థియేటర్లలో సందడి చేయనుంది. తమిళం, హిందీ, తెలుగు, మలయాళం, కన్నడ భాషల్లో ఈ మూవీని రూపొందించారు. ప్రముఖ మ్యూజిక్ డైరెక్టర్ ఏఆర్ రెహ్మమాన్ బాణీలు సమకుర్చారు. కెమెరామెన్‌‌గా ర‌వి వ‌ర్మన్‌, ఎడిట‌ర్‌గా శ్రీక‌ర్ ప్రసాద్ వ‌ర్క్ చేశారు. ప్రస్తుతం ఈ సినిమా పోస్ట్ ప్రొడక్షన్ పనుల్లో బిజీగా ఉంది. దాదాపు నాలుగేళ్ల తరువాత మణిరత్నం దర్శకత్వంలో సినిమా వస్తుండడంతో సినీ ప్రియులు ఆసక్తిగా ఎదురుచూస్తున్నారు. భారీ తారాగణం నటిస్తుండడంతో అంచనాలు కూడా ఓ రేంజ్‌లో ఉన్నాయి.