Adivi Sesh: అడవి శేష్ ఎమోషనల్ పోస్ట్.. ఫైటింగ్ నుంచి 'చిరు'తో మీటింగ్ వరకు!

క్షణం, ఎవరు, గూఢచారి, మేజర్ వంటి చిత్రాలతో తనకంటూ సెపరేట్ ఫ్యాన్ బ్యాస్ సాధించిన యంగ్ టాలెంటెడ్ హీరో అడవి శేష్. తాజాగా హిట్-2 సినిమాతో అడవి శేష్ బ్లాక్ బస్టర్ అందుకున్నాడు. తాజాగా ఇన్‌స్టాగ్రామ్‌లో ఓ ఎమోషనల్ పోస్ట్ పెట్టాడు ఈ హీరో.

'మేజర్' చిత్రానికి గాను మెగాస్టార్ చిరంజీవి నుంచి అవార్డ్ అందుకోవడంపై అడవి శేష్ ఆనందం వ్యక్తం చేశాడు. ఇందుకు సంబంధించిన ఫోటోలను షేర్ చేస్తూ తన ప్రయాణం గురించి రాసుకొచ్చాడు.


"చిన్నప్పుడు మీ సినిమాల టిక్కెట్ల కోసం థియేటర్ల దగ్గర ఫైటింగ్ చేసిన సీన్లు ఇప్పటికీ గుర్తున్నాయి. అక్కడి నుంచి ఒక రోజు మధ్యాహ్నం మొత్తం 'మేజర్' చిత్రం గురించి మీతో చర్చించే గౌరవం నాకు దక్కిందనే ఆలోచనే చాలా హ్యాపీనెస్ ఇస్తుంది. ఇది నాకు దక్కిన పెద్ద గౌరవం. ఇప్పుడు మీ నుంచి 'మేజర్‌' సినిమాకు ఈ అవార్డును అందుకోవడం అంటే అది మాటల్లో చెప్పలేని మూమెంట్. మెగాస్టార్ చిరంజీవి గారికి థాంక్యూ సో మచ్. సంతోషం అవార్డులకు కృతజ్ఞతలు."

- అడవి శేష్

డిఫరెంట్‌గా

2010లో విడుదలైన ‘కర్మ’..చిత్రం హీరోగా అడివి శేష్‌కు మొదటి సినిమా. కానీ ఆ తర్వాత హీరోగా అవకాశాలు రాకపోవడంతో.. పంజా, బలుపు, రన్ రాజా రన్, బాహుబలి వంటి చిత్రాల్లో సైడ్ క్యారెక్టర్లు చేస్తూ వచ్చాడు. అయితే 2016లో తను లీడ్ రోల్ పోషించిన ‘క్షణం’ మూవీ కెరీర్‌ను మార్చేసింది. దర్శకుడు రవికాంత్‌తో కలిసి అడివి శేష్ ఈ చిత్ర కథను సిద్ధం చేశాడు. ఇక ఆ తర్వాత ఎవరు, గూఢచారి, మేజర్ చిత్రాల వరుస సక్సెస్‌తో మోస్ట్ ప్రామినెంట్ హీరోగా మారిపోయాడు. రీసెంట్‌గా తను నటించిన ‘హిట్2’ మూవీ ఓ రేంజ్‌లో హిట్ అయింది.

• Read Latest Tollywood Updates and Telugu news