Ajith Viswasam: ‘విశ్వాసం’ ట్విట్టర్ రివ్యూ: మీసం మెలేస్తున్న అజిత్ ఫ్యాన్స్

టాలీవుడ్‌తో పాటు కోలీవుడ్‌లోనూ సంక్రాంతి సందడి మొదలైంది. సూపర్ స్టార్ రజినీకాంత్ ‘పేట’ చిత్రంతో పాటు.. తమిళ తళ అజిత్ కమర్షియల్ ఎంటర్‌టైనర్ మూవీ ‘విశ్వాసం’ కూడా నేడు (జనవరి 10) విడుదలకావడంతో బాక్సాఫీస్ ఫైట్ ఇంట్రస్టింగ్‌గా మారింది. రజినీకాంత్ పేట చిత్రం పాజిటివ్ రెస్పాన్ రాబట్టగా.. అజిత్ ‘విశ్వాసం’ చిత్రానికి సైతం ట్విట్టర్‌లో మంచి స్పందన వస్తుంది.

పాపులర్ దర్శకుడు శివ దర్శకత్వం వహించిన ఈ చిత్రంలో అజిత్‌కి జోడీగా లేడీ సూపర్ స్టార్ నయనతార నటించడంతో ఈ సినిమాపై అంచనాలు ఏర్పడ్డాయి. ఈ అంచనాలకు తగ్గట్టుగానే ‘విశ్వాసం’ ఉంది అంటున్నారు తమిళ తంబీలు. పవర్ ప్యాక్డ్ మూవీగా అజిత్ వైవిధ్యభరితమైన పాత్రలో అదరగొట్టేశాడని.. ఫైట్ సీక్వెన్స్ సీన్స్ మైండ్ బ్లోయింగ్ అంటూ ట్వీట్స్ చేస్తున్నారు.

ఇక విడుదలకు ముందే పెద్ద సినిమాల రివ్యూలను ట్విట్టర్‌లో పోస్ట్ చేసే.. ప్రముఖ రివ్యూవర్ ఉమర్ సంధు ‘విశ్వాసం’ సినిమాపై అత్యంత విశ్వాసం వ్యక్తం చేస్తూ నాలుగు స్టార్లు వేసేశారు. అయితే ఈయన రివ్యూలను అంతగా నమ్మేపరిస్థితి లేదు. అట్టర్ ఫ్లాప్ చిత్రాలకు సైతం నాలుగు స్టార్లు వేసిన చరిత్ర ఇతగాడికి ఉంది. మార్నింగ్ షోలు పూర్తైతేనే కాని.. ‘విశ్వాసం’ పై ప్రేక్షకులకు ఎంత విశ్వాసం ఉందో తేలనుంది.