అక్కినేని ఇంట పెళ్లి సందడి.. వైరల్ అవుతున్న అఖిల్ ఫొటో, సమంత మిస్

అక్కినేని వారి ఇంటి పెళ్లి సందడి మొదలైంది. అక్కినేని నాగార్జున సోదరుడు అక్కినేని వెంకట్ కుమారుడు ఆదిత్య నిశ్చితార్థం ఐశ్వర్యతో చెన్నైలో ఘనంగా జరిగింది. అంగరంగవైభవంగా సాగిన ఈ నిశ్చితార్థ వేడుకలో అక్కినేని కుటుంబ సభ్యులు అందరూ హాజరయ్యారు. నాగార్జున, అమల, అఖిల్, సుశాంత్, సుమంత్‌, సుప్రియ, నాగసుశీలతో ఇతర కుటుంబ సభ్యులు హాజరయ్యారు.

కాగా ఈ అక్కినేని వారి నిశ్చితార్థ వేడుకకు సంబంధించిన ఫ్యామిలీ ఫొటోను ఇన్‌స్టాగ్రామ్‌లో షేర్ చేశాడు అఖిల్. ఈ సందర్భంగా సోదరుడు ఆదిత్యకు విషెష్ అందించారు. అయితే ఈ ఫ్యామిలీ ఫొటోలో అక్కినేని కోడలు, నాగ చైతన్య క్యూట్ వైఫ్ సమంత మిస్ కావడంతో సమంత ఎక్కడ అంటూ కామెంట్స్ చేస్తున్నారు ఆమె ఫ్యాన్స్. అయితే సమంత షూటింగ్‌లతో బిజీగా ఉండటం వల్ల ఈ వేడుకకు హాజరుకాలేకపోయినట్టు తెలుస్తోంది. అయితే అఖిల్ షేర్ చేసిన ఈ నిశ్చితార్థ వేడుక ఫొటో అవుతుండగా.. మరి నీ పెళ్లి ఎప్పుడు అఖిల్ అంటూ అప్పట్లో క్యాన్సిల్ అయిన పెళ్లిని గుర్తు చేస్తున్నారు నెటిజన్లు.