అఖిల్ కోసం కొత్త హీరోయిన్ రెడీ

చాలా గ్యాప్ తర్వాత సెట్స్‌పైకి వెళ్లిన అఖిల్ అక్కినేని రెండో సినిమా కోసం ఓ కొత్త హీరోయిన్ వెతుకులాటలో పడింది ఆ మూవీ యూనిట్. విక్రమ్ కుమార్ డైరెక్ట్ చేస్తున్న ఈ సినిమాను నాగార్జున తన సొంత ప్రొడక్షన్స్‌లో నిర్మిస్తున్నారు. హైదరాబాద్‌లో తొలి షెడ్యూల్ షూటింగ్ పూర్తి చేసుకున్న ఈ సినిమా యూనిట్ త్వరలోనే నార్త్ ఇండియాకు ప్రయాణం కానుంది. ఇటీవల మీడియాకు ఇచ్చిన ఓ ఇంటర్వ్యూలో ఈ సినిమాకు సంబంధించిన విశేషాలని పంచుకున్న నాగ్.. అఖిల్ సరసన ఓ కొత్త హీరోయిన్‌ని పరిచయం చేయనున్నట్టు తెలిపారు.

ప్రస్తుతానికి నాలుగైదు ఆప్షన్స్ అయితే రెడీగా వున్నాయి కానీ ఇంకా ఏదీ పైనలైజ్ కాలేదని స్పష్టంచేశారు నాగ్. ఎవరో ఒకరిని ఫైనల్ చేయడం తప్ప ఇక మిగతాదంతా రెడీ అని అన్నారు కానీ ఆ నాలుగైదు ఆప్షన్స్‌లో ఎవరి పేర్లు వున్నాయనే వివరాల్ని మాత్రం నాగ్ వెల్లడించలేదు.