​అఖిల్ పెళ్లి.. ఆ హీరో కూతురితో.. నిజమేనా?

నాగార్జున తనయుడు, యువ హీరో అఖిల్ పెళ్లిపై మళ్లీ రూమర్లు మొదలయ్యాయి. ఇది వరకూ అఖిల్ పెళ్లి నిశ్చితార్థం పూర్తయిన తర్వాత ఆగిపోయిన సంగతి తెలిసిందే. ఇంతలోనే ఈ హీరో పెళ్లిపై మళ్లీ రూమర్లు వ్యాపిస్తుండటం ఆసక్తికరంగా మారింది. ఈ సారి అఖిల్ పెళ్లి విషయంలో మరో ప్రముఖ హీరో కూతురి ప్రస్తావన రావడం విశేషం. ఆమె మరెవరో కాదు.. విక్టరీ వెంకటేష్ కూతురు. మమూలుగా వెంకటేష్ కూతుర్లు ప్రచార ఆర్భాటాలకు చాలా దూరంగా ఉంటారు. మరి అలాంటి వారి గురించి ఈ చర్చ జరుగుతుండటం ఆసక్తికరం.

శ్రేయా భూపాల్ తో అఖిల్ పెళ్లి అనూహ్యంగా తెరపైకి వచ్చింది. ఆ వయసులో అఖిల్ పెళ్లి చేసుకుంటాడని ఎవ్వరూ అనుకోలేదు. వెనువెంటనే నిశ్చితార్థం అయిపోవడం, అంతే వేగంగా వారి పెళ్లి ఆగిపోవడం జరిగింది. దానిపై అఖిల్ మీడియా ముఖంగా ఎలాంటి వివరణా ఇవ్వలేదు. నాగార్జున కూడా దాని గురించి కామెంట్ చేయకపోవడమే మేలన్నట్టుగా వ్యవహరించాడు. క్రమంగా ఆ వ్యవహారం మరుగున పడుతున్న తరుణంలో.. అఖిల్ పెళ్లిపై మళ్లీ రూమర్లు మొదలయ్యాయి.

వెంకటేష్ కూతురిని అఖిల్ పెళ్లి చేసుకోబోతున్నాడనేది ఈ రూమర్ల సారాంశం. వెంకీ, నాగార్జునలు బంధువులే అవుతారు. నాగార్జున మొదటి భార్య, నాగ చైతన్య తల్లి వెంకటేష్ కు సోదరి. దీని ప్రకారం అఖిల్ కు వెంకీ మామ అవుతాడు. వరస కూడా కుదరడంతో వెంకీ కూతురిని అఖిల్ పెళ్లి చేసుకోనున్నాడనే రూమర్ కు రెక్కలు వస్తున్నాయి. ఈ అంశంపై అటు అక్కినేని ఫ్యామిలీ కానీ, ఇటు దగ్గుబాటి ఫ్యామిలీ కానీ స్పందించలేదు. మరి ప్రస్తుతానికి రూమర్ గా వ్యాపిస్తున్న ఈ వ్యవహారం ఎక్కడి వరకూ వెళ్తుందో చూడాలి.