అఖిల్ మాజీ ప్రేయసి శ్రియాభూపాల్ పెళ్లంట?

అఖిల్-శ్రియాభూపాల్ పెళ్లి వ్యవహారం మరోసారి తెరపైకి రావడంతో ప్రస్తుతం టాలీవుడ్‌లో ఈ వార్త హాట్ టాపిక్‌గా మారింది. ప్రాముఖ్య వ్యాపారవేత్త జీవీకే మనవరాలు శ్రియాభూపాల్‌కు అక్కినేని వారసుడు అఖిల్‌కు ఇటీవల నిశ్చితార్ధం జరగడం, పెళ్లి కాస్త క్యాన్సిల్ అవ్వడం తెలిసిందే సంగతే.

అఖిల్‌కు, శ్రియాకు మధ్య తలెత్తిన అభిప్రాయబేధాల కారణంగానే పెళ్లి క్యాన్సిల్ అయిందని టాక్. అయితే ఈ విషయాన్ని రెండు కుటుంబాలు ఖండించలేదు. తాజాగా శ్రియకు మరో పెళ్లి ఫిక్స్ అయిందనే మాటలు జోరుగా వినిపిస్తున్నాయి. అఖిల్‌తో పెళ్లి డ్రాప్ అనుకున్న తరువాత శ్రియా తల్లితండ్రులు ఆమెకు ఓ ఎన్నారై సంబంధం చూసినట్లు తెలుస్తోంది. సదరు ఎన్నారై కుర్రాడిని పెళ్లి చేసుకోవడానికి శ్రియ కూడా సిద్ధంగా ఉందని టాక్.

ఇదిలా ఉంటే.. అఖిల్ ప్రస్తుతం తన కెరీర్ మీద దృష్టి సారించాడు. రీసెంట్‌గా తన రెండో సినిమాను కూడా మొదలు పెట్టాడు. అయితే ప్రస్తుతం శ్రేయాభోపాల్ వివాహంపై వారి కుటుంబ సభ్యులనుండి ఎలాంటి అధికారిక ప్రకటన రాకపోవడంతో ఈ పుకార్లకు ఫుల్ స్టాప్ పడటంలేదు.