అవును.. చైతుకి ఈగో బాగా ఎక్కువ!

అక్కినేని నాగచైతన్య మిగిలిన హీరోలతో పోలిస్తే చాలా సాఫ్ట్. బయట కార్యక్రమాల్లో కూడా పెద్దగా కనిపించడు. తన సినిమాల విషయంలో కూడా అతిగా మాట్లాడడు. చైతు తండ్రి నాగార్జున తన కొడుకు చాలా మంచివాడని పలు సందర్భాల్లో చెప్పుకొచ్చాడు. అలాంటి చైతుకి ఇప్పుడు ఈగో బాగా ఎక్కువైందని తెలుస్తోంది. అది రియల్ లైఫ్ లో కాదు.. రీల్ లైఫ్ లో.

అసలు విషయానికి వస్తే.. చైతు హీరోగా మారుతి దర్శకత్వంలో ఓ సినిమా తెరకెక్కనుంది. మారుతి తన సినిమాల్లో హీరోలను కొత్తగా ప్రెజంట్ చేస్తుంటాడు. 'భలే భలే మగాడివోయ్' సినిమాలో నానిని మతిమరుపు గల వ్యక్తిగా, 'మహానుభావుడు' సినిమాలో శర్వానంద్ ను అతి శుభ్రత ఎక్కువ ఉండే మనిషిగా చూపించి విజయాలను అందుకున్నాడు. ఇప్పుడు చైతుని మాత్రం అహం ఎక్కువగా ఉండే అబ్బాయిగా చూపించబోతున్నాడని సమాచారం. ఇప్పటివరకు చైతు ఇటువంటి పాత్రలో కనిపించలేదు. దీంతో ఈ సినిమాలో ఆయన క్యారెక్టరైజేషన్ చాలా కొత్తగా ఉంటుందని అంటున్నారు. మరి తన ఫార్ములతో హిట్స్ అందుకుంటూ వస్తోన్న మారుతి.. చైతు విషయంలో కూడా అదే రిపీట్ చేస్తాడేమో చూడాలి.