నిన్న జీలకర్ర, బెల్లం.. నేడు ఉంగరాలు

టాలీవుడ్ మోస్ట్ బ్యూటిఫుల్ లవ్ బర్డ్స్ సమంత-నాగచైతన్యలు వివాహ బంధంతో ఒకటయ్యారు. సుమారు నాలుగేళ్లపాటు ప్రేమలో ఉన్న ఈ ప్రేమజంట వేదమంత్రాల సాక్షిగా భార్యా భర్తలయ్యారు. శుక్రవారం రాత్రి 11.52 గంటలకు హిందూ సాంప్రదాయం ప్రకారం సమంత మెడలో చైతు మూడు ముళ్లు వేశారు చైతు. గోవాలోని 'డబ్ల్యూ' హోటల్ చైతు-సమంత వివాహ వేడుకకు వేదికైంది. హిందూ, క్రిస్టియన్ సాంప్రదాయాల ప్రకారం రెండు సార్లు వివాహ వేడుక జరుగనుండగా.. శనివారం సాయంత్రం 5.30 గంటల నుండి 6.30 గంటల వరకు క్రిస్టియన్ పద్దతిలో వెడ్డింగ్ జరుగబోతోంది. పెళ్లి తర్వాత హైదరాబాద్‌లో రిసెప్షన్‌ను ఏర్పాటు చేయనున్నారు.
Chay Getting Ready To Tie A Knot#ChaySamWedding pic.twitter.com/btFwNKMrmt — DisPageVllEntertainU (@dpveuu) October 6, 2017
అంగరంగవైభవంగా జరిగిన ఈ వివాహవేడుకకు అక్కినేని, దగ్గుబాటి కుటుంబసభ్యులతో పాటు కేవలం 100 మంది ప్రముఖులు మాత్రమే హాజరయ్యారు. వారిలో గాయని చిన్మయి శ్రీపాద, ఆమె భర్త నటుడు రాహుల్‌ రవీంద్రన్‌, హాస్యనటుడు వెన్నెల కిశోర్‌, నటుడు అడివి శేష్‌ తదితరులు హాజరయ్యారు. కాగా ఈ పెళ్లివేడుకలో పెళ్లికూతురు సమంత.. నాగచైతన్య మేనమామ దగ్గుబాటి సురేష్‌బాబుతో కలిసి డ్యాన్స్‌ చేయడం హైలైట్‌గా నిలిచింది. ప్రస్తుతం ఆ ఫోటోలు సోషల్ మీడియాలో వైరల్‌గా మారాయి. వీరి వివాహ వేడుకకు మీడియాను అనుమతించకపోవడంతో తన అభిమానులకోసం కొన్ని ఫోటోలను సమంత సోషల్ మీడియా ద్వారా షేర్ చేశారు.
#NagaChaitanya #Samantha #ChayWedsSam #ChaySamWedding #ChaisamWedding #ChaiSam @chay_akkineni @Samanthaprabhu2 😘💕💖😍👌 pic.twitter.com/Vm48ipKUZe — STUNNING ACTOR'S (@StunningActorss) October 6, 2017