వర్మ సినిమాలో నాగార్జున ఇలా!

రామ్ గోపాల్ వర్మ దర్శకత్వంలో నాగార్జున హీరోగా నటిస్తున్న నాలుగో సినిమా ఇది. టైటిల్ ఇంకా ఏం అనుకోలేదు. దర్శకుడిగా వర్మ కథ అయిపోయిందన్న సమయంలో.. అనూహ్యంగా ఈ సినిమాకు ఓకే చెప్పాడు నాగ్. ‘శివ’ వంటి తెలుగు ఇండస్ట్రీ గతిని మార్చిన సినిమాను రూపొందించిన కాంబినేషన్ ఇది. దశాబ్దాల తర్వాత తిరిగి జత అయ్యింది ఈ కాంబో.

ఇలాంటి నేపథ్యంలో వీళ్లు ఎలాంటి సినిమాను రూపొందిస్తారు? నాగ్ తో సినిమాతో వర్మ మళ్లీ బౌన్స్ బ్యాక్ అవుతాడా? పక్కా యాక్షన్ ఎంటర్ టైనర్ అని చెబుతున్న ఈ సినిమా ప్రేక్షకులకు ఎలాంటి అనుభూతిని ఇస్తుంది? అనేవి అనేకమంది మదిలోని ప్రశ్నలు.

ఇప్పటికే ఈ సినిమా షూటింగ్ శరవేగంగా సాగుతోంది. ఈ నేపథ్యంలో తాజాగా ఆర్జీవీ సినిమా సెట్స్ మీద నుంచి నాగార్జున లుక్ ఒకటి ఇంటర్నెట్ లోకి వచ్చింది. వైరల్ గా మారింది. యమ సీరియస్ లుక్ తో అదరగొట్టాడు నాగార్జున. ఇందులో ఈ హీరోది పోలీసాఫీసర్ వేషం అని సమాచారం. అందుకు తగ్గట్టైన సీరియస్ పోలీసాఫీసర్ గా నాగ్ రఫ్ చూపులతో సినిమాపై నమ్మకాన్ని పెంచుతున్నాడు!