Akkineni Nagarjuna: అప్పుడు చైన్ పట్టుకుని వచ్చా.. ఇప్పుడు కత్తి పట్టుకుని వస్తున్నా: నాగార్జున

అక్కినేని నాగార్జున (Nagarjuna) హీరోగా తెరకెక్కిన లేటెస్ట్ మూవీ ది ఘోస్ట్ (The Ghost). ప్రవీణ్‌ సత్తారు (Praveen Sattaru) దర్శకత్వంలో రూపొందిన ఈ సినిమా అక్టోబర్ 5న రిలీజ్ కాబోతుంది. ఇప్పటికే విడుదల చేసిన ట్రైలర్‌తో అంచనాలను పెంచేసింది. శ్రీ వెంకటేశ్వర సినిమాస్‌ ఎల్‌‌ఎల్‌‌పీ, నార్త్ స్టార్‌ ఎంటర్‌టైన్‌మెంట్స్ సంయుక్తంగా నిర్మించాయి. సోనాల్‌ చౌహాన్‌ (Sonal Chauhan) హీరోయిన్‌గా నటిస్తుండగా.. గుల్‌ పనగ్‌, అనిక సురేంద్రన్‌ కీ రోల్స్ ప్లే చేశారు. ప్రమోషన్ కార్యక్రమాలు చురుగ్గా సాగుతుండగా.. నేడు కర్నూలులో ది ఘోస్ట్ మూవీ ప్రీ రిలీజ్ ఈవెంట్ (The Ghost Pre Release Event) గ్రాండ్‌గా నిర్వహించారు.

ఈ సందర్భంగా నాగార్జున మాట్లాడుతూ.. 'ఇవాళ చైతన్య, అఖిల్, నేను ఇక్కడ ఇంత ప్రేమను పొందగలుతున్నామంటే ఇద్దరికి థ్యాంక్స్ చెప్పుకోవాలి. ఒకటి తెలుగు సినీ పరిశ్రమకు.. మరొకటి మా నాన్న గారు అక్కినేని నాగేశ్వరరావు గారికి.. 33 ఏళ్ల క్రితం అక్టోబర్ 5న మీ ముందుకు చైన్ పట్టుకొచ్చాను. అదే అక్టోబర్ 5న ఒక కత్తితో వస్తున్నా మీ ముందుకు. ఇది కూడా ఒక ఫ్యామిలీ ఎంటర్‌టైనర్. విజయ దశమి పండగ సందర్భంగా మా ది ఘోస్ట్ మూవీ కూడా విజయాన్ని ఇస్తుందని ఆశిస్తున్నా.

డైరెక్టర్ ప్రవీణ్ సత్తారు యాక్షన్, డ్రామాను కలిపి ది ఘోస్ట్ సినిమాలో తీశాడు. ఈ సినిమాలో మ్యూజిక్, ఎఫెక్ట్స్ చాలా బాగుంటాయి. నేను కర్నూలు అన్నమయ్య సినిమా టైమ్‌లో వచ్చా. ఆ నరసింహా స్వామికి నమస్కారం పెట్టుకున్నా. బసవన్న ముందు డ్యాన్స్ చేశా. ఆళగడ్డ పొలాల దగ్గర కూడా డ్యాన్స్ చేశా. ది ఘోస్ట్ సినిమా కోసం చాలా కష్ట పడ్డాం. ఈ మూవీని తప్పుకుండా ఆదరిస్తారని ఆశిస్తున్నా.

అక్టోబర్ 5న నాకు ఎంతో ఆప్తులయిన చిరంజీవి గారి సినిమా కూడా అదే రోజున రిలీజ్ కాబోతుంది. ఈ రెండు సినిమాలకి విజయం కలగాలని మనస్ఫూర్తిగా కోరుకుంటున్నాను. అందరికీ థ్యాంక్ యూ వెరీ మచ్..' అని చెప్పారు.