నాగార్జున భావోద్వేగ సందేశం

‘మనం’ సినిమా సెట్ మంటల్లో కాలిపోవడంపై హీరో నాగార్జున ఎమోషన్ అయ్యారు. సోమవారం రాత్రి జరిగిన అగ్ని ప్రమాదంలో అన్నపూర్ణ స్టుడియోలో ఉన్న ‘మనం’ సినిమా సెట్ పూర్తిగా కాలిపోయింది. కాగా వెంటనే ప్రమాద స్థలానికి వెళ్లిన నాగార్జున.. ప్రమాదంలో తగలబడిపోతున్న ‘మనం’ సెట్ చూసి భావోద్వేగానికి లోనయ్యారు. తన తండ్రి చివరిసారితో తన కుటుంబంతో కలిసి నటించిన సినిమా ‘మనం’ అని... ఆయన గుర్తుగా ఈ సినిమా సెట్‌ను అలాగే ఉంచాం. ఆ సెట్ చూసినప్పుడల్లా నాకు మా నాన్న గారే గుర్తుకు వస్తారు. అలాంటి సెట్ కాలిపోవడం బాధగా ఉందన్నారు.

కాగా ఈవారంలో సమంత-నాగ చైతన్యల వివాహ రిసెప్షన్ హైదరాబాద్‌లో ఆదివారం రాత్రి వైభవంగా జరిగింది. కాగా ఈ ఆనందకరమైన క్షణాలు 24 గంటలు గడవక ముందే మరో బాధాకరమైన సంఘటన జరగడంపై హీరో నాగార్జున ఎమోషనల్ ట్వీట్ పెట్టారు. ‘ ఈ వారం ఎంతో భావోద్వేగంగా గడిచింది. నవ్వుకున్నాం.. ఏడ్చాం అంటూనే... ప్రస్తుతం ఈ రోజు మధ్యాహ్నం నుంచి అఖిల్ ‘హలో’ మూవీ ప్రమోషన్‌కి సిద్ధమవుతున్నాం’ అంటూ ట్వీట్‌ చేశారు.

‘మనం’ చిత్రంతో అక్కినేని కుటుంబానికి అద్భుత విజయం అందించిన విక్రమ్ కుమార్ ‘హలో’ మూవీని డైరెక్ట్ చేస్తున్నారు. నాగార్జున సొంత బ్యానర్‌లో ఈ చిత్రాన్ని నిర్మిస్తుండగా.. క్రిస్మిస్ కానుకగా ‘హలో’ మూవీ డిసెబర్ 22న విడుదల కానుంది.

Hello my friends, it’s been a emotional week!! We laughed and we cried and now we are ready to kickstart #Hello promotions this afternoon 2 pm😄 — Nagarjuna Akkineni (@iamnagarjuna) November 14, 2017