‘ఇవాంక’ చీర కోసం రంగంలోకి సమంత

వచ్చేది అమెరికా అధ్యక్షుడు గారాల పుత్రిక ఇవాంకా.. అదీ తొలిసారి హైదరాబాద్‌కు విచ్చేస్తుండటంతో నగరంలో ఉన్న హంగామానే వేరు .. రోడ్లు అద్దాల్లా ధగధగా మెరిసిపోతున్నాయ్ .. ఫ్లై ఓవర్‌ బ్రిడ్జ్‌లు రంగు రంగుల బొమ్మలతో ఇంద్రధనుస్సులా తళతళలాడుతున్నాయ్ .. ఎటుచూసినా అందమే .. ఎక్కడికి వెళ్లినా సుందరమే. ఇదీ హైదరాబాద్ నగర పరిస్థితి. నిన్నటి వరకూ వానలలో నిండు కుండల్లా మారిన రాజధాని రోడ్లు అందాల సుందరి ట్రంప్ కుమార్తె ఎంట్రీ ఇస్తుండటంతో సర్వాంగసుందరంగా మారాయి.

ఇక ఇవాంకా ట్రంప్ పర్యటన షెడ్యూల్ ఇప్పటికే విడుదల కాగా.. కట్టుదిట్టమైన భద్రతా ఏర్పట్ల మధ్యనే అదిరిపోయే అతిథ్యాన్ని ఏర్పాటు చేసింది తెలంగాణా సర్కార్. వీటిలో భాగంగా హైదరాబాద్ బిర్యానీతో పాటు.. అనేక రకాల వంటకాలను సిద్ధం చేస్తుండగా.. ట్రంప్ కుమార్తె ఎప్పటికీ గుర్తించుకునేలా విలువైన బహుమతులను రెడీ చేసిందట సర్కార్. వీటి సంగతి పక్కనపెడితే.. మన తెలుగు సాంప్రదాయానికి నిలువెత్తు నిదర్శనమైన చీరను ఇవాంకాకు బహుమతిగా ఇచ్చేందుకు నటి సమంతను రంగంలోకి దింపారట.

తెలంగాణా చేనేతకు బ్రాండ్ అంబాసిడర్‌గా ఉన్న సమంతను ఇవాంకా కోసం సిద్దపేట చేనేత చీరలను సెలక్ట్ చేసేందుకు సమంత హెల్ప్ కోరారట. అసలే అమెరికా అధ్యక్షుడి కుమార్తె కోసం చీర సెలక్షన్‌ కోసం తనను పిలిస్తే.. అక్కినేని కోడలు కాదంటుందా.. వెంటనే కొన్ని అద్భుత మైన సిద్దిపేట గొల్లభామ చీరలను ఇవాంకా కోసం సెలక్ట్ చేసిందట సమంత.

ఇటీవల నాగ చైతన్యతో వివాహ సందర్భంలో స్పెషల్ డిజైనింగ్ శారీస్‌తో తళుక్కున మెరిసిన సమంత... ఇవాంకా కోసం ఎలాంటి చీరలను సెలక్ట్ చేసిందో.. మరి శారీస్‌ను ఇవాంక కడుతుందో లేదో చూడాలి.