స్వామీజీ అనుకొని దండం పెట్టుకున్నారు.. కానీ: అలీ

తన హాస్యంతో తెలుగు ప్రేక్షకుల్ని కడుపుబ్బా నవ్వించే అలీ... సినీ ఇండస్ట్రీలో 40 ఏళ్ల ప్రస్థానం పూర్తి చేసుకున్నాడు. తన కామెడీ టైమింగ్ బాల నటుడిగా తెలుగు ప్రేక్షకులు దగ్గరయిన అలీ తన అనుభవాలను ఇటీవల ఓ ప్రముఖ దినపత్రికతో పంచుకున్నారు. ఈ సందర్భంగా దేశముదురు సినిమా షూటింగ్ సమయంలో జరిగిన ఫన్నీ సంఘటనను అలీ బయటపెట్టారు. ఆ సినిమాలో అలీ స్వామీజీగా కనిపించిన సంగతి తెలిసిందే.

‘కులు మనాలిలోని హిడింబ దేవాలయం దగ్గర షూటింగ్ జరుగుతోంది. మాకు దగ్గర్లోనే అఘోరాలు ఉండేవారు. స్వామీజీ వేషంలో ఉన్న నన్ను కూడా నిజం స్వామిగానే భావించిన మూడు జంటలు నా దగ్గరకొచ్చాయి. షూటింగ్ అని తెలియక నా కాళ్లకు దండం పెట్టుకొని వెళ్లిపోయారు. కాసేపయ్యాక వేషం తీసేసి కూర్చున్నాను. తిరిగి వెళ్తున్నప్పుడు నన్ను చూసి.. వెళ్లేటప్పుడు దండం పెట్టుకుంది వీడికా అని నవ్వుకున్నార’ని అలీ చెప్పారు.

‘రాజేంద్రుడు గజేంద్రుడు’ షూటింగ్‌లో ఎంద చాట అనే మళయాళీ డైలాగ్‌లు తాను సొంతంగా చెప్పిందేనని అలీ చెప్పారు. తను డైలాగ్ చెప్పాక కెమెరామెన్‌ శరత్‌ కెమెరా వదిలిపెట్టి బయటికి వెళ్లి నవ్వుకున్నాడు. నా యాక్టింగ్ కంటే.. బ్రహ్మానందం రియాక్షన్‌ని చూసి ఎక్కువగా నవ్వుకున్నారని అలీ తెలిపాడు.