ప్రభాస్, ప్లీజ్ ఒకే ఒక్క ఛాన్స్!!

బాహుబలి 2 సినిమా తర్వాత ప్రభాస్ ఒక్కసారిగా బాలీవుడ్ హీరోయిన్లకు ఫేవరెట్ అయిపోయాడు. ఎంతగా అంటే, ఒక్క చిత్రంలోనైనా సరే అతడితో స్క్రీన్ పంచుకోవాలని కలలుగనేంత. ‘సాహో’లో ప్రభాష్ పక్కన నటించేందుకు బాలీవుడ్ బామలను వెతుకుతున్న నేపథ్యంలో... ఆ అవకాశం తమకి వస్తే చాలాని మనసులో మాట బయట పెట్టేస్తున్నారు.

అయితే, ‘సాహో’లో ప్రభాస్ సరసన కత్రినా కైఫ్‌కు అవకాశం దక్కొచ్చననే ప్రచారం ఊపందుకుంది. కానీ, అధికారికంగా ఎవరి పేరు ప్రకటించలేదు. ఈ నేపథ్యంలో ఏ మాత్రం అవకాశం ఉన్నా ప్రభాస్ పక్కన నటించేందుకు తాను సిద్ధంగా ఉన్నానని అలియా భట్ ప్రకటించింది.

ట్విట్టర్‌లో తన ఫ్యాన్స్‌ అడిగిన ప్రశ్నలకు అలియా.. సౌత్ ఇండియాలో తన ఫేవరెట్ స్టార్ ప్రభాస్ అని తెలిపింది. మన బాహుబలిని ‘రాక్-బాస్టర్’ అంటూ అలియా పొగడ్తలతో ముంచెత్తింది. ప్లీజ్ ఒకే ఒక్క ఛాన్స్ అంటూ.. సంకేతాలు పంపిన ఈ అమ్మడి కల నెరవేరుతుందో లేదో చూడాలి.