‘రాజరథం’లో ప్రత్యేకతలెన్నో!!

తమిళ నటుడు ఆర్య కీలక పాత్రలో తెరకెక్కుతున్న ‘రాజరథం’మూవీ శుక్రవారం నాడు థియేటర్స్‌లో సందడి చేసేందుకు రెడీ అయ్యింది. రొమాంటిక్‌ కామెడీగా రూపొందుతున్న ఈ చిత్రంతో హీరో, హీరోయిన్లుగా నిరూప్‌ భండారి, అవంతిక షెట్టి తెలుగు తెరకు పరిచయం అవుతున్నారు. ఇతర ముఖ్య పాత్రల్లో తమిళ స్టార్‌ హీరో ఆర్య, పి.రవిశంకర్‌ కనిపించనున్నారు.
దర్శకుడు అనూప్‌ భండారి ఈ చిత్రానికి కథ, పాటలు, సంగీతం అందించటంతో పాటు కొన్ని పాటలు కూడా పాడటం విశేషం.

నిరూప్‌ భండారి హీరోగా అనూప్‌ భండారి దర్శకత్వం వహించిన 'రంగి తరంగ' చిత్రాన్ని యు.ఎస్‌, యూరప్‌ దేశాలలో పంపిణీ చేసిన 'జాలీ హిట్స్‌' సంస్థ తమ తొలి ప్రయత్నంగా 'రాజారథం' చిత్రంతో నిర్మాణ రంగంలోకి అడుగు పెడుతోంది. నిర్మాత అజయ్‌రెడ్డి ఉత్తమ ప్రమాణాలతో కూడిన చిత్రాన్ని ప్రేక్షకులకి అందించాలనే తపనతో అత్యున్నత సాంకేతిక నిపుణులతో 'రాజారథం' చిత్రాన్ని నిర్మించారు. ఈ మూవీని తెలుగు, కన్నడ భాషల్లో విడుదల చేస్తున్నారు.
‘రాజరథం’ మూవీతో తమిళనటుడు ఆర్య శాండిల్‌ఉడ్‌కి పరిచయం అవుతున్నారు. ఈ మూవీలో ఆయన పాత్ర ఏంటన్నది సస్పెన్స్‌గానే ఉంచింది చిత్రయూనిట్. ‘రాజరథం’ ట్రైలర్‌లో కనిపిస్తున్న బస్‌కి రానా వాయిస్ ఇస్తున్నారు. కాగా ఈ మూవీ ప్రిమియర్ షోలు యూఎస్‌లో ఇప్పటికే ప్రదర్శితమయ్యాయి. బెంగుళూరు, మైసూర్ ప్రాంతాల్లో కూడా ‘రాజరథం’ మూవీ ప్రీమియర్ షో ప్రదర్శితం కాగా పాజిటివ్ టాక్‌ను సొంతం చేసుకుంది. మరి తెలుగు ప్రేక్షకుల్ని ‘రాజరథం’ ఎంతవరకూ ఆకట్టుకుంటుందో రేపు (శుక్రవారం) తేలనుంది.

Read this news in Kannada..