ఒక వైపు కరోనా ప్రభావంతో సినిమా పరిశ్రమ కుదేలైంది. బాలీవుడ్లో సుమారు రూ. 800 కోట్ల మేర నష్టం వాటిల్లిందని అంచనా. ఇక టాలీవుడ్తో పాటు మిగితా అన్ని ఉడ్లదీ అదే పరిస్థితి. షూటింగ్లు లేక.. సినిమాలు విడుదల చేయలేక.. విడుదలైన సినిమాలు ఆడించలేక నానా కష్టాలు పడుతున్నారు. షూటింగ్లు మొత్తం క్యాన్సిల్ కావడంతో వేలాది మంది శ్రామికులకు పనిలేకుండా పోయింది. రెండు తెలుగు రాష్టాలతో పాటు కర్ణాటక, తమిళనాడు, కేరళ ఇలా చాలా రాష్ట్రాల్లో సినిమా థియేటర్స్ అన్నీ క్లోజ్ అయ్యాయి. స్వదేశంలో షూటింగ్లనే కాకుండా విదేశాల్లో జరిగే షూటింగ్లకు బ్రేక్ ఇచ్చి.. చాలా మంది నటీనటులు అక్కడే నిర్భందంలో ఉండిపోయారు. కరోనా కాటుకి ఇండస్ట్రీకి కోట్ల నష్టం వాటిల్లగా.. సీరియర్ నిర్మాతకు ఈ కరోనా కాసులు కురిపిస్తోందట.. అదెట్టా అంటే!!
Samayam Telugu19 Mar 2020, 3:51 pm
ఒక వైపు కరోనా ప్రభావంతో సినిమా పరిశ్రమ కుదేలైంది. బాలీవుడ్లో సుమారు రూ. 800 కోట్ల మేర నష్టం వాటిల్లిందని అంచనా. ఇక టాలీవుడ్తో పాటు మిగితా అన్ని ఉడ్లదీ అదే పరిస్థితి. షూటింగ్లు లేక.. సినిమాలు విడుదల చేయలేక.. విడుదలైన సినిమాలు ఆడించలేక నానా కష్టాలు పడుతున్నారు. షూటింగ్లు మొత్తం క్యాన్సిల్ కావడంతో వేలాది మంది శ్రామికులకు పనిలేకుండా పోయింది. రెండు తెలుగు రాష్టాలతో పాటు కర్ణాటక, తమిళనాడు, కేరళ ఇలా చాలా రాష్ట్రాల్లో సినిమా థియేటర్స్ అన్నీ క్లోజ్ అయ్యాయి. స్వదేశంలో షూటింగ్లనే కాకుండా విదేశాల్లో జరిగే షూటింగ్లకు బ్రేక్ ఇచ్చి.. చాలా మంది నటీనటులు అక్కడే నిర్భందంలో ఉండిపోయారు. కరోనా కాటుకి ఇండస్ట్రీకి కోట్ల నష్టం వాటిల్లగా.. సీరియర్ నిర్మాతకు ఈ కరోనా కాసులు కురిపిస్తోందట.. అదెట్టా అంటే!!
మై హోమ్స్, అల్లు అరవింద్ ఆధ్వర్యంలో ‘ఆహా’ యాప్..
మైహోమ్ గ్రూప్ ఆధ్వర్యంలో తెలుగు ఇండస్ట్రీలోని కీలక వ్యక్తుల భాగస్వామ్యంతో తెలుగు మార్కెట్లో కొత్త ఒరవడిని సృష్టించాలనే లక్ష్యంతో డిజిటల్ స్పేస్ లోకి అడుగుపెట్టారు అల్లు అరవింద్. ప్రస్తుతం మొబైల్ యాప్ యుగం నడుస్తున్న తరుణంలో భవిష్యత్తు ఓటీటీ యాప్స్దే అని గుర్తించిన మెగా ప్రొడ్యూసర్ అల్లు అరవింద్.. ఇటీవల అమెజాన్ ప్రైమ్, నెట్ ఫ్లిక్స్, హాట్ స్టార్ తరహాలో Aha (ఆహా) అనే ఓటీటీ యాప్ను తీసుకువచ్చారు. అమెజాన్ ప్రైమ్, నెట్ ఫ్లిక్స్, హాట్ స్టార్ లతో పోటీ పడుతూ అసలు సక్సెస్ అవుతుందా? లేదా? అనే సందేహాలతో ఇటీవల రిలీజ్ చేసిన ఈ యాప్కి కరోనా ప్రభావంతో విపరీతంగా ఫాలోవర్స్ పెరిగారు. ఒకవైపు సినిమా థియేటర్స్, షాపింగ్ మాల్స్ అన్నీ బంద్ కావడంతో తెలుగు కంటెంట్తో రూపొందించిన ఈ యాప్ను ఒకేరోజు లక్షల మంది డౌన్ లోడ్ చేసుకుని వినోదాన్ని పొందుతున్నారు.
వాళ్లకి కష్టాలు వీళ్లకి కాసులు
దీంతో మెగా ప్రొడ్యుసర్ అల్లు అరవింద్.. బిజినెస్ బ్రెయిన్ ఆహా యాప్తో మరింత పదునెక్కిందని ఇండస్ట్రీ వర్గాల్లో హాట్ టాపిక్ నడుస్తోంది. ఒకవైపు సినిమాలు విడుదల కాక.. విడుదలైన సినిమాలు ఆడించలేక నిర్మాతలు అష్ట కష్టాలు పడుతుంటే.. తన సినిమాలు లేకపోయినప్పటికీ ఇలాంటి క్రూషియల్ టైంలో కూడా కాసులు కురిపించుకోవడం ఒక్క అల్లు అరవింద్కే దక్కింది. ఈ యాప్కి పెద్దగా ప్రచారం కూడా కల్పించలేకపోయినప్పటికీ కరోనా ప్రభావంతో థియేటర్స్లో సినిమాలు లేక.. కొత్త సినిమాల కోసం ఈ యాప్కి విపరీతమైన డిమాండ్ ఏర్పడింది.
జోరందుకున్న ‘ఆహా’ సబ్ స్క్రిప్షన్లు..
నిన్న మొన్నటి వరకూ అసలు ఉందో లేదు తెలియని యాప్కి కరోనా ప్రభావంతో ఫుల్ క్రేజ్ రావడంతో ఆహా యాప్కి విపరీతమైన మార్కెట్ పెరింగింది. ఆహా ఒరిజినల్స్ కేటగిరీలో ఒరిజినల్ సిరీస్ లను, బ్లాక్ బస్టర్స్, రొమాంటిక్ మూవీస్, కామెడీ మూవీస్, ఎవర్ గ్రీన్, పాపులర్ హిట్స్ కేటగిరీల్లో వివిధ సినిమాలను చూసే అవకాశం ఉండటంతో సబ్ స్క్రిప్షన్లు జోరందుకున్నాయి. ముఖ్యంగా ఇందులో ప్రీ సబ్ స్క్రిప్షన్లు కంటెంట్ కూడా కొంత ఉండటంతో జనాలు ఎగబడుతున్నారు.
‘ఆహా’ ప్లాన్స్ ఇవీ..
‘ఆహా’ యాప్ వార్షిక సబ్ స్క్రిప్షన్ చార్జీలు రూ.699 కాగా, లిమిటెడ్ పీరియడ్ ఆఫర్ కింద ప్రస్తుతం దీన్ని రూ.365కే అందిస్తున్నారు. ఇది కాకుండా మూడు నెలల ప్లాన్ కూడా అందుబాటులో ఉంది. మూడు నెలల ప్లాన్ ధర రూ.149గా ఉంది. ఫ్రీ కంటెంట్ స్ట్రీమ్ చేసేటప్పుడు యాడ్స్ రాకుండా ఉండటం ఈ యాప్కు మరో ప్రధాన ఆకర్షణ. ప్రస్తుతం ఈ యాప్లో కొత్త పోరడు, షిట్ హ్యాపెన్స్ పేరిట రెండు తెలుగు సిరీస్ లు ఇందులో ఉన్నాయి. మరిన్ని సినిమాలు, మరింత ఒరిజినల్ కంటెంట్ను యాడ్ అహ యాప్ను మరింత ప్రియం చేయబోతున్నారు.
అమెజాన్ ప్రైమ్, నెట్ ఫ్లిక్స్, హాట్ స్టార్లకు ఫుల్ గిరాకీ
మొత్తానికి కరోనా ప్రభావంతో థియేటర్స్ మూత పడతంతో వినోదం కోసం ఈ అహ, అమెజాన్ ప్రైమ్, నెట్ ఫ్లిక్స్, హాట్ స్టార్లకు ఫుల్ గిరాకీ వచ్చింది. సినిమాలు, సీరియల్స్, క్రికెట్ మ్యాచ్లు (పాతవి), పాటలు ఇలా అన్ని వినోద కార్యక్రమాలు ఇందులో వస్తుండటంతో వీటి మార్కెట్ ఒక్కసారిగా పుంజుకుంది. ఇటీవలే ఈ యాప్ లాంచ్ ఈవెంట్ను గ్రాండ్గా నిర్వహించారు అల్లు అరవింద. ఈ కార్యక్రమానికి ప్రముఖ సినీ నిర్మాత అల్లు అరవింద్, మైహోం గ్రూప్ డైరెక్టర్ జూపల్లి రామురావు, సినీ దర్శకుడు క్రిష్, హీరోలు విజయ్ దేవరకొండ, నవదీప్ లతో పాటు పలువురు ప్రముఖులు హాజరయ్యారు. క్రేజీ స్టార్ విజయ్ దేవరకొండ ఈ యాప్ ప్రమోషన్స్లో పాల్గొనగా.. అల్లు అర్జున్ సైతం ప్రచారం కల్పించారు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.