బన్నీ బర్త్ డే విషెస్‌కు ప్రభాస్ ఫ్యాన్స్ ఫిదా!

బాహుబలిగా ప్రపంచ మొత్తాన్ని తనవైపు తిప్పుకున్న ప్రభాస్ పుట్టిన రోజు సందర్భంగా శుకాంక్షలు వెల్లువెలా వస్తున్నాయ్. సినీ ప్రముఖులు, అభిమానులు ఆయనకు పోటీపోటీగా బర్త్ డే విషెస్ తెలియజేస్తున్నారు. సాహో చిత్ర యూనిట్ సినిమా ఫస్ట్ లుక్ పోస్టర్‌ను రిలీజ్ చేసి ఫ్యాన్స్‌కు బర్త్ డే గిఫ్ట్ ఇచ్చింది. సోమవారం పుట్టినరోజు జరుపుకుంటున్న డార్లింగ్‌కు అల్లు అర్జున్ తనదైన స్టయిల్లో విషెస్ తెలిపాడు. ఆయన చేసిన ట్వీట్‌కు ప్రభాస్ ఫ్యాన్స్ ఫిదా అవుతున్నారు.

'
నాకు తెలిసిన వారిలో చాలా మధురమైన హృదయం ఉన్న డార్లింగ్ ప్రభాస్‌కి హ్యాపీ బర్త్ డే' అని బన్నీ ట్వీట్ చేశాడు. దాంతోపాటు సాహో ఫస్ట్ లుక్‌ను కూడా కలిపి ట్వీట్ చేయడంతో.. అది కాస్తా వైరల్‌గా మారింది. ప్రభాస్ ఫ్యాన్స్ బన్నీకి థ్యాంక్స్ చెబుతూ కామెంట్లు పెట్టారు. గతేడాది కూడా ప్రభాస్‌కు బన్నీ ఇదే తరహాలో ఆకట్టుకునేలా బర్త్ డే విషెస్ చెప్పడం గమనార్హం.