పవన్ బాబాయ్.. నీ త్యాగానికి భక్తుడినయ్యా: బన్నీ

జనసేనాని పవర్ స్టార్ పవన్ కళ్యాణ్ పుట్టిన రోజు సందర్భంగా ట్విట్టర్‌ హీటెక్కుతోంది. ఆయనకు పుట్టినరోజు శుభాకాంక్షలు తెలియజేస్తూ వరుస ట్వీట్లు వెల్లువలా వస్తున్నాయి. వారం రోజుల ముందు నుండే పవన్ కళ్యాణ్ బర్త్ డే సెలబ్రేషన్స్ ప్రారంభం కావడంతో అభిమానులతో పాటు టాలీవుడ్ ప్రముఖులు పవన్‌ని విషెష్ తెలియజేస్తున్నారు. మెగా హీరోలు వరుణ్ తేజ్, సాయి ధరమ్ తేజ్‌లు శుభాకాంక్షల్ని తెలియజేయగా.. స్టైలిష్ స్టార్ అల్లు అర్జున్ ఎమోషనల్ ట్వీట్‌‌లో పవన్‌ను బాబాయ్ అంటూ సంబోధించడం మెగా అభిమానులను ఎంతగానో ఆకట్టుకుంటోంది.

‘హ్యాపీ బర్త్ డే కళ్యాణ్ బాబాయ్.. మెరుగైన సమాజం సాధించాలన్న తపనతో లగ్జరీ లైఫ్‌ను త్యాగం చేశారు. మీరు చేసిన త్యాగాలతో కోట్లాది మంది హృదయాలను గెలుచుకున్నారు. బెటర్ సొసైటీ కోసం మీరు పడే తపనకు మీకు భక్తుడినైపోయా.. మరింత ప్రేమాభిమానాలు, శక్తిని పొందుకోవాలని కోరుకుంటున్నా. మీరు మరిన్ని పుట్టిన రోజు వేడుకలను జరుపుకోవాలని ’.. అంటూ ట్వీట్ చేశారు అల్లు అర్జున్.