జక్కన్న మల్టీస్టారర్‌లో మరో స్టార్ హీరో

దర్మకధీరుడి మల్టీస్టారర్‌పై రోజుకో న్యూస్ వైరల్ అవుతోంది. జూనియర్ ఎన్టీఆర్, రామ్ చరణ్‌లతో రాజమౌళి ఈ సినిమాను తెరకెక్కిస్తున్నారు. ఒక్క ఫోటోతో హింట్ ఇచ్చి వదిలేసి... ఫ్యాన్స్‌కు పెద్ద పజిల్‌నే ఇచ్చారు జక్కన్న. ‌మూవీలో యంగ్ టైగర్, మెగా పవర్ స్టార్ క్యారెక్టర్లు ఎలా ఉండబోతున్నాయి... ఇద్దిరికీ సమానమైన ఇంపార్టెన్స్ ఉంటుందా? ఇలా ఎన్నో ప్రశ్నలు ఫ్యాన్స్‌లో మొదలయ్యాయి. తర్వాత ఇద్దరు హీరోలు పోలీస్ పాత్రల్లో కనిపిస్తారని రూమర్స్ వచ్చాయి. అలాగే మాస్ మహారాజా రవితేజ విలన్‌గా చేస్తారంటూ మరో వార్త బయటకొచ్చింది

విలన్‌ గురించి అలా న్యూస్ తెలిసిందే లేదో... మళ్లీ మరో స్టార్ హీరో కూడా మూవీలో నటిస్తున్నట్లు సోషల్ మీడియాలో పుకార్లు మొదలయ్యాయి. ఆ స్టార్ హీరో ఎవరో కాదు... అల్లు అర్జున్. రాజమౌళి మల్టీస్టారర్‌లో స్టైలిష్ స్టార్‌ కూడా ఓ క్యారెక్టర్ చేస్తున్నట్లు తెలుస్తోంది. దర్శకధీరుడు ఎన్టీఆర్‌, రామ్ చరణ్‌తో కలిసి ఫోటో పెట్టినప్పటి నుంచి ఇలా రోజుకో న్యూస్ బయటకొస్తూనే ఉంది. కాని సినిమాకు సంబంధించి అఫిషియల్‌గా ఇప్పటి వరకు ఎలాంటి ప్రకటన రాలేదు. మరి ఈ వార్తలకు రాజమౌళి ఎలా పుల్‌స్టాప్ పెడతారో చూడాలి.