Allu Studios: అల్లు స్టూడియోస్ తాతయ్య కోరిక.. 18 ఏళ్లైనా మా నాన్న ప్రేమ తగ్గలేదు: అల్లు అర్జున్

దివంగత హాస్య నటుడు అల్లు రామలింగయ్య (Allu Ramalingaiah) శత జయంతి ఉత్సవాల సందర్భంగా అల్లు స్టూడియోస్ (Allu Studios) మెగాస్టార్ చిరంజీవి (Chiranjeevi) ప్రారంభించారు. ఆ తరువాత అల్లు రామలింగయ్య గురించి మాట్లాడి.. గాడ్ ఫాదర్ మూవీ ప్రమోషన్స్ నిమిత్తం ముంబై వెళ్లిపోయారు. అనంతరం ఐకాన్ స్టార్ అల్లు అర్జున్ (Allu Arjun) మాట్లాడుతూ.. అల్లు స్టూడియోస్ ప్రారంభోత్సవానికి విచ్చేసిన మెగాస్టార్ చిరంజీవి గారికి మా కుటుంబం తరుపున ధన్యవాదాలు తెలుతున్నామన్నారు.

'ఇవాళ మా తాత గారు 100వ పుట్టినరోజు. మాకు ఎంతో స్పెషల్. అల్లు అరవింద్ గారికి పెద్ద ప్రొడక్షన్ హౌస్ ఉంది.. ల్యాండ్ చాలా ఉంటుంది.. స్టూడియోస్ పెట్టడం విశేషం ఏం కాదని మీరు అనుకోవచ్చు. కానీ మాకేదో ఈ స్టూడియో కమర్షియల్‌గా వర్కవుట్ అవుతుందని పెట్టలేదు. ఈ స్టూడియో పెట్టాలనేది మా తాతయ్య గారి కోరిక. మనందరికీ స్టూడియో ఉంటే బాగుండేదని ఆయన అంటుండేవారు. అందుకే ఆయన జ్ఞాపకార్థం ఈ స్టూడియోను నిర్మించాం. ఇక్కడ ఎన్నో సినిమాల షూటింగ్స్ జరిగి.. ఫిల్మ్ ఇండస్ట్రీకి ఉపయోగపడాలని కోరుకుంటున్నాం.

మా తాత గారు మరణించి 18 ఏళ్లు అయినా.. మా నాన్న గారికి ఇంకా ప్రేమ తగ్గడం లేదు. ఏళ్లు గడుస్తున్న కొద్ది ప్రేమ పెరుగుతోంది. ఫంక్షన్ సైజ్ కూడా పెరుగుతోంది. మా ఫాదర్ వాళ్ల ఫాదర్‌ను ఇంతలా ప్రేమించడం చూస్తుంటే ముచ్చటేస్తోంది. వాళ్లను అంతలా ప్రేమిస్తున్న మా నాన్నకు ధన్యవాదాలు..' అంటూ అల్లు అర్జున్ మాట్లాడారు.

గండిపేట్‌లో 10 ఎకరాల్లో అల్లు స్టూడియోస్‌ను భారీ స్థాయిలో నిర్మించారు. అత్యాధునిక టెక్నాలజీతో.. ప్రపంచ స్థాయి సధుపాయాలు ఈ స్టూడియోలో అందుబాటులో ఉన్నాయి. మూవీకి సంబంధించి అన్ని పనులు ఇక్కడే చేసుకునేలా ఏర్పాటు చేశారు. షూటింగ్స్‌కు సంబంధించిన బిల్డింగ్‌ పనులు పూర్తవ్వడంతో.. సినిమా చిత్రీకరణకు అందుబాటులోకి వచ్చాయి.