ధోని భామలతో బన్నీ రొమాన్స్!

మెగా హీరోల్లో తనకంటూ స్పెషల్ ఇమేజ్‌ను క్రియేట్ చేసుకున్న హీరో అల్లు అర్జున్. యూత్‌లో అతడికున్న క్రేజ్ గురించి ప్రత్యేకంగా చెప్పనక్కర్లేదు. ప్రతి సినిమాలో ఎంతో స్టైలిష్‌గా కనిపించే ఈ స్టైలిష్ స్టార్ ప్రస్తుతం దువ్వాడ జగన్నాథం సినిమాలో బ్రాహ్మణ యువకుడిగా ప్రేక్షకులను అలరించబోతున్నాడు.

ఈ సినిమా తరువాత బన్నీ, రైటర్ వక్కంతం వంశీ డైరెక్ట్ చేయబోయే సినిమాలో హీరోగా నటించబోతున్నాడు. ఈ సినిమాను లగడపాటి శ్రీధర్, నాగబాబులు కలిసి
నిర్మించబోతున్నారు. ప్రస్తుతం ఈ సినిమాకు సంబంధించిన ప్రీప్రొడక్షన్ పనులు వేగంగా జరుగుతున్నాయి. ఇప్పటికే అల్లు అర్జున్ ఇండస్ట్రీలో ఉన్న హీరోయిన్లందరితో కలిసి నటించేశారు.

దీంతో తెర మీద జంట కొత్తగా కనిపించాలనే ఉద్దేశంతో బాలీవుడ్ నుండి హీరోయిన్‌ను దిగుమతి చేయాలనే ఆలోచనలో ఉన్నట్లు తెలుస్తోంది. ధోని సినిమాలో నటించిన కైరా అధ్వానీను హీరోయిన్‌గా తీసుకోవాలని భావిస్తున్నారు. అయితే ఆమె ప్రస్తుతం వరుస బాలీవుడ్ ఆఫర్స్‌తో బిజీగా ఉండడంతో డేట్స్ దొరుకుతాయో లేదో అనే అనుమానాలు వ్యక్తమవుతున్నాయి. ఆమె డేట్స్ దొరకని పక్షంలో ఆమె స్థానంలో దిశా పటానిని ఫైనల్ చేసే అవకాశాలు ఉన్నాయి.