​రొమాన్స్ చాలు.. పెళ్లెందుకు? అంటున్న మెగా హీరో!

తనకు పెళ్లి చేసుకొమ్మని సలహా ఇచ్చిన ట్విటర్ ఫాలోయర్ కు సర్ ప్రైజ్ సమాధానాన్ని ఇచ్చాడు అల్లు శిరీష్. రొమాంటిక్ ట్వీట్లను పెట్టేస్తున్న శిరీష్ తీరును చూసి ఒక అభిమాని.. ‘భయ్యా నీకు ప్రతీదీ అందంగా కనిపిస్తోంది, ఆఖరి బురద కూడా.. త్వరగా పెళ్లి చేసుకో..’ అని సరదా సలహాను శిరీష్ కు ట్వీట్ చేశాడు. దీనిపై అల్లు శిరీష్ ఆసక్తికరమైన రీతిలో స్పందించాడు.

‘పెళ్లి ఎందుకు సార్.. ఇప్పటికే వర్షం, ట్రాఫిక్ తో సతమతమవుతున్నా, రొమాన్స్ కు పెళ్లి అవసరం లేదు.. రిలేషన్ షిప్ చాలు..’ అంటూ శిరీష్ ట్వీట్ చేశాడు. అలాగే తనకు హోంమేకర్ గా ఉండటానికి కూడా అభ్యంతరం లేదని శిరీష్ మరో అభిమాని ప్రశ్నకు సమాధానం ఇచ్చాడు.

‘మీరు గత జన్మలో హోం మేకర్ అయి ఉంటారు..’ అని ఒక ఫాలోయర్ ట్వీట్ చేయగా, ‘ఈ జన్మలో కూడా అలా ఉండటానికి నాకు అభ్యంతరం లేదు..’ అన్నాడు ఈ మెగా హీరో. ఎంచక్కా గర్ల్ ఫ్రెండ్ సంపాదించుకుని వస్తుంటే, ఆమెకు వండి పెడుతూ గడిపేయడంలో ఆనందం ఉంటుందని ట్వీట్ చేశాడు. ఈ విధంగా ఫాలోయర్లతో సరదాగా సాగింది శిరీష్ సంభాషణ.