దానికి బానిసనయ్యానన్న కాజల్ అగర్వాల్!

ఇప్పటికే హాఫ్ సెంచరీని పూర్తి చేసింది కాజల్ అగర్వాల్. ఇటీవల విడుదల అయిన ‘నేనే రాజు నేనే మంత్రి’ ఈమె కెరీర్ లో 50వ సినిమా. ఈ సినిమా హిట్ అయ్యింది కూడా. మరి ఈ రోజుల్లో హీరోయిన్లు ఈ మాత్రం లెంగ్తీ కెరీర్ ను కలిగి ఉండటం కూడా గొప్ప సంగతే. భారీ అంచనాలతో వచ్చిన హీరోయిన్లు ఒకటీ రెండు సినిమాల్లో మెరిసి అంతర్థానం అవుతున్న పరిస్థితి. ఇలాంటి చిత్రసీమలో కాజల్ ఇప్పటికే దశాబ్దం పై నుంచి హీరోయిన్ గా రాణిస్తోంది.

తెలుగుతో పాటు తమిళ, అడపాదడపా హిందీ సినిమాల్లో కూడా నటిస్తూ కాజల్ ఈ హాఫ్ సెంచరీ ఫీట్ ను సాధించింది. మరి ఈ నేపథ్యంలో ఈ భామ మాట్లాడుతూ..యాభై సినిమాలు కాదు, ఇంకో యాభై సినిమాలు చేయాలని ఉంది.. అని అంటోంది. అంత ఎనర్జీ తనలో స్టాక్ ఉందని ఆమె విశ్వాసం వ్యక్తం చేసింది. తనకు పని ప్రాణం అని, పనే వ్యసనం అని చెప్పింది. పని చేయడానికి తను బానిసనయ్యాను అని కాజల్ వివరించింది.

ఇక పెళ్లి గురించి మాట్లాడుతూ.. మంచి వ్యక్తి దొరికితే వివాహం చేసుకుంటానని చెప్పింది. తనకు పార్టీలకు, పబ్బులకు వెళ్లే అలవాటు లేదని.. అందుకే తన విషయంలో స్నేహాలు, ఎఫైర్లు అంటూ వార్తలు రావని అభిప్రాయపడింది.