అమలాపాల్‌కు విడాకులు మంజూరు

కొన్నాళ్లు డేటింగ్ అనంతరం వివాహబంధంతో ఒక్కటైన నటి అమలా పాల్, దర్శకుడు విజయ్‌లకు చెన్నై కోర్టు విడాకులు మంజూరు చేసింది. 2014 జూన్ 12న ఈ జంట ప్రేమించి పెళ్లి చేసుకున్న విషయం తెలిసిందే. అయితే వివాహ అనంతరం మనస్పర్థలు తలెత్తడంతో, ఇద్దరూ లీగల్‌గా విడిపోవడానికి విడాకులకు అప్లై చేశారు. ఆరు నెలల జ్యుడీషియల్ సెపరేషన్ పీరియడ్‌లో భాగంగా గత ఆగస్ట్ నుంచి వీరిద్దరూ విడివిడిగా ఉంటున్నారు. చెన్నై ఫ్యామిలీ కోర్టు వీరిద్దరికీ బుధవారం విడాకులు మంజూరు చేయడంతో వీరి వివాహ బంధం పూర్తిగా తెగిపోయినట్లే.

ప్రస్తుతం వివాహ బంధానికి దూరమైన తర్వాత ఈ ఇద్దరూ తమ తమ కెరీర్‌లపై పూర్తిగా దృష్టి పెట్టారు, అమలాపాల్ .. సిండరెట్టా, అచ్చాయన్స్, అమ్మడు హెబ్బులి, వడ చెన్నై, వేళ ఇల్ల పట్టదారి 2 (రఘువరన్ బీటెక్ 2), తిరుట్టు పాయలె 2 చిత్రాలతో బిజీగా ఉంది. మరోవైపు 'వనమగన్' చిత్రంతో దర్శకుడిగా విజయ్ బిజీగా ఉన్నాడు.