అమలాపాల్ పెళ్లి మూన్నాళ్ల ముచ్చటే !

ఈమధ్య సినిమా వాళ్ల పెళ్లిళ్లు పెటాకులవుతున్నాయి. మొన్న ఎక్స్.. నిన్న వై.. ఈరోజు అమలాపాల్ !. ఇదేదో సినిమాలోని డైలాగును ప్రాస కోసం అమలాపాల్ మీద ప్రయోగించినట్లు కాదు. ఎందుకంటే నిజంగా జరుగుతోంది అదే. నటి అమలాపాల్ తమిళ దర్శకుడు ఏఎల్ విజయ్ ను ప్రేమించి పెళ్లిచేసుకొని సరిగ్గా రెండేళ్లు కూడా అవలేదు, అప్పుడే ఈ జంట విడిపోవటానికి సిద్ధమైంది. ఏఎల్ విజయ్ దర్శకత్వం వహించిన తమిళ చిత్రం 'తిరుమగల్' లో అమలాపాల్ నటించింది. అప్పుడు వారి మధ్య ఏర్పడిన పరిచయం స్నేహంగా చిగురించింది ఆ స్నేహం పెరిగి ప్రేమగా మారింది ఆ తర్వాత 2014, జూన్ 12న వీరిద్దరూ వివాహబంధంతో ఏకమయ్యారు. అయితే ఇప్పుడు వీరిద్దరికి భేదాభిప్రాయాలు రావటం వల్ల ఇద్దరూ పరస్పరం విడిపోవాలనుకుంటున్నట్లు సమాచారం. త్వరలోనే తాము విడాకులు తీసుకునే విషయాన్ని అమలాపాల్ అధికారికంగా ప్రకటిస్తుందని సన్నిహితులు చెప్తున్నారు.