అమలాపాల్ ఇచ్చిన ఫోజ్ ఎంతపనిచేసింది!

అమలా పాల్ తనకి తానే తాజాగా ఓ కొత్త వివాదంలో చిక్కుకుంది. ఇటీవల యోగా చేస్తూ అమ్మడు తీయించుకున్న ఫోటోలు కొన్ని తన ఇన్‌స్టాగ్రామ్‌లో పోస్ట్ చేసింది. ఆ ఫోటోలు చూసిన నెటిజెన్స్ అగ్గి మీద గుగ్గిలం అవుతున్నారు. అందుకు కారణం ఆమె ఓ గోడకి ఆనుకుని శీర్షాసనం వేసిన ఫోజులో కాళ్లు ఆ గోడపై వున్న బుద్ధుడి ప్రతిమపై వుండటమే. గోడపై వున్న పేయింటింగ్‌లో బుద్ధుడి ముఖంపై కాళ్లు ఆనించిన అమలా పాల్‌కి అసలు బుద్ధుడంటేనే గౌరవం లేదని అర్థమవుతోందని నెటిజెన్స్ ఆగ్రహాన్ని వెళ్లగక్కారు.

సోషల్ మీడియాలో హాట్ టాపిక్ అయిన ఈ పోస్టుని అమలా పాల్ ఇప్పటివరకు డిలీట్ చేయకపోగా కనీసం దీనిపై స్పందించలేదు కూడా. మరి అమ్మడికి దీనిపై స్పందించేంత సమయం ఎప్పుడు దొరుకుతుందో, ఏమని స్పందిస్తుందో వేచిచూడాల్సిందే!