అమితాబ్ తన భార్యతో విడిపోయారా?

బాలీవుడ్ మెగాస్టార్ అమితాబ్ బచ్చన్ కుటుంబంపై ఎప్పుడు ఏదొక వార్త వినిపిస్తూనే ఉంటుంది. మొన్నామధ్య ఐశ్వర్య, రణబీర్‌తో కలిసి ఓ సినిమాలో రొమాన్స్ చేసినందుకు బచ్చన్ ఫ్యామిలీలో మనస్పర్ధలు వచ్చాయని.. అభిషేక్‌కు ఐశ్వర్యకు అసలు పడట్లేదని మాట్లాడుకున్నారు. కానీ రీసెంట్‌గా బాలీవుడ్‌లో జరిగిన స్టార్ డస్ట్ అవార్డ్స్‌కు ఈ జంట హాజరయ్యి ఎంతో అన్యోన్యంగా మెలగడంతో వారి మధ్య ఎలాంటి విబేధాలు లేవని తేలాయి.

ఆ విషయం మర్చిపోతున్నారనుకుంటున్న సమయంలో మరో వార్త వెలుగులోకి వచ్చింది. ఈసారి ఏకంగా బాలీవుడ్ మెగాస్టార్ అమితాబ్, అతడి భార్య జయా బచ్చన్‌లు విడివిడిగా బ్రతుకుతున్నారనేది ఆ వార్తల సారాంశం. ఈ మాటలు అన్నది వేరెవరో అయితే లైట్ తీసుకోవచ్చు కానీ బచ్చన్ కుటుంబానికి అత్యంత సన్నిహితుడైన అమర్ సింగ్ ఈ వ్యాఖ్యలు చేయడంతో బాలీవుడ్ లో హాట్ టాపిక్‌గా మారింది.

అమితాబ్, జయా విడివిడిగా ఉంటున్నారు. ఒకరు ప్రతీక్షలో.. మరొకరు జానక్‌లో నివాసముంటున్నారని వెల్లడించారని అమర్ సింగ్ చెప్పడంతో అందరూ ఆశ్చర్యపోతున్నారు. మరి వీటిపై అమితాబ్ ఫ్యామిలీ ఎలా రియాక్ట్ అవుతుందో.. చూడాలి.