నిజమేనా!! చిరు ఉయ్యలవాడలో అమితాబ్?

రెండు రోజులుగా చిరంజీవి 151వ చిత్రం 'ఉయ్యాలవాడ నరసింహారెడ్డి' సినిమాలో బాలీవుడ్ మెగాస్టార్ అమితాబ్ బచ్చన్ నటించబోతున్నాడంటూ ప్రచారం జరుగుతోంది. ఈ సినిమాను చిరు భారీ లెవెల్‌లో విడుదల చేయడానికి అమితాబ్ సహాయం తీసుకోబోతున్నాడని గుసగుసలు వినిపించాయి. దీంతో సినిమాలో బిగ్ బీ పాత్ర ఎలా ఉంటుందని..? మెగా ఫ్యాన్స్ ఆరాలు తీయడం మొదలుపెట్టారు.

వాస్తవానికి చిరు రీఎంట్రీ సమయంలో అమితాబ్ ఓ ఈవెంట్2లో చిరు సినిమాలో ఒక పాత్ర దక్కితే ఖచ్చితంగా నటిస్తాను అంటూ ఓ స్టేట్మెంట్ ఇచ్చాడు. దీంతో ఉయ్యాలవాడలో అమితాబ్ ఎంట్రీ ఉంటుందని ప్రచారం మొదలుపెట్టేసారు.

అయితే ఈ వార్తల్లో ఎలాంటి నిజం లేదని చిత్రబృందం ద్వారా తెలుస్తోంది. అసలు ఇప్పటివరకు అమితాబ్ ప్రస్తావనే రాలేదని అంటున్నారు. బాలీవుడ్ హీరోయిన్ గురించి అనుకున్న మాటలు వాస్తవమే కానీ అమితాబ్ ప్రస్తావన మాత్రం తీసుకురాలేదని చెబుతున్నారు. ఒకవేళ చిరు అడిగినా.. అమితాబ్ ఏదొక కారణం చెప్పి తప్పించుకుంటారని చిరుకి బాగా తెలుసు. సో.. ఉయ్యాలవాడ మూవీలో అమితాబ్ నటిస్తున్నాడనేది కేవలం పుకార్లుగానే మిగిపోనుందని తెలుస్తోంది.