బికినీల వ్యాపారాన్ని ప్రారంభించనున్న హీరోయిన్..!

తమ పేరునే బ్రాండ్ గా మార్చుకుంటున్న హీరోయిన్ల జాబితాలో అమీ జాక్సన్ కూడా నిలుస్తోంది. ఇప్పటికే అనేక మంది హీరోయిన్లు డిజైనర్ వేర్, ఫ్యాషన్ వేర్ ల వ్యాపారంలోకి దిగారు. ఈ క్రమంలో అమీ కూడా ఈ తరహా వ్యాపారాన్ని ప్రారంభించడానికి సర్వం సిద్ధం చేసుకుంది.

ఆసక్తికరమైన అంశం ఏమిటంటే.. అమీ జాక్సన్ ప్రధానంగా స్విమ్ వేర్ మీద కాన్సన్ ట్రేట్ చేసింది. ఈతదుస్తులు, బికినీలతో వ్యాపారం చేయనుంది. ఈ మేరకు ఈ బ్రిటీష్ భామ అధికారికంగా ధ్రువీకరించింది. స్వతహాగా బికినీ పోజులు, హాట్ డ్రస్సులతో ఎక్కువగా అగుపించే అమీ ఈ తరహా దుస్తుల వ్యాపారాన్ని ప్రారంభిస్తుండటం గమనార్హం.

‘నాకు ఈత అంటే చాలా ఇష్టం. మొన్నటి సమ్మర్ లో చాలా ప్రదేశాలకు ట్రావెల్ చేశాను. అయితే అన్ని చోట్లా నాకు కంఫర్ట్ గా ఉండే స్విమ్ వేర్, బికినీలు అందుబాటులో లేకపోయాయి. అందుకే నాకు తగినట్టుగానే నేనే డిజైన్ చేసుకోవడం ప్రారంభించా. ఇప్పుడు వాటినే బ్రాండ్ గా మార్చాలనే ఆలోచన వచ్చింది. ఇప్పుడు దాన్నే అమల్లో పెడుతున్నా..’ అని అమీ చెప్పుకొచ్చింది.

ఇటీవలే బాలీవుడ్ నటి సోనమ్ కపూర్, ఆమో సోదరి రియాలు సొంతంగా డిజైనర్ వ్యాపారాన్ని ప్రారంభించారు. ఇప్పుడు అమీ వంతు వచ్చింది. తన బ్రాండ్ ఈత దుస్తులు సరసమైన ధరల్లోనే అందుబాటులో ఉంటాయని అమీ చెబుతోంది.