రంగమత్త మరో ఫొటో.. కిరాక్ పుట్టిస్తోందిగా!

సుకుమార్ దర్శకత్వంలో రామ్‌చరణ్, సమంత జంటగా తెరకెక్కిన చిత్రం ‘రంగస్థలం’. మార్చి 30న విడుదలవుతున్న ఈ సినిమాపై ప్రేక్షకులు భారీ అంచనాలే పెట్టుకున్నారు. 1985 బ్యాక్‌డ్రాప్‌ కథాంశంతో, పల్లెటూరి వాతావరణంలో రూపొందించిన ఈ చిత్రంలో ప్రముఖ యాంకర్ అనసూయ భరద్వాజ్ రంగమత్త పాత్రలో కనిపిస్తున్న సంగతి తెలిసిందే.

ఈ నేపథ్యంలో అనసూయ ఆ చిత్రంలోని తన పాత్రకు సంబంధించిన ఫొటోలతో అభిమానుల్లో మరింత ఆసక్తి పెంచేస్తోంది. తాజాగా ఆమె తన ఫేస్‌బుక్ అకౌంట్లో పెట్టిన ఫొటో చూసి ఆమె అభిమానులు మురిసిపోతున్నారు. ‘‘రంగమ్మత్తగా నేను దిగిన మొదటి సెల్ఫీ ఇదే.. మరో రెండు రోజుల్లో థియేటర్స్‌లో రంగమ్మత్తను చూసేయండి’’ అంటూ తన సెల్ఫీని పోస్ట్ చేసింది.