‘రంగస్థలం’లో చెర్రీకి అత్తగా హాట్ యాంకర్!

సుకుమార్- రామ్ చరణ్ ప్రతిష్ఠాత్మక ప్రాజెక్ట్ ‘రంగస్థలం’ మూవీపై భారీ అంచనాలు ఉండటంతో ఈ మూవీ కోసం మెగా ఫ్యాన్స్ ఎంతగానో ఎదురుచూస్తున్నారు. కాగా ఈ మూవీకి సంబంధించి మరో ఇంట్రస్టింట్ వార్త సినీ సర్కిల్‌లో చక్కర్లు కొడుతుంది. రామ్ చరణ్- సమంత జోడీగా నటిస్తున్న ఈ మూవీలో రామ్ చరణ్‌కు అత్తగా నటించనుంది హాట్ యాంకర్ అనసూయ. వెండి తెరపై ఇప్పటి వరకూ గ్లామరస్‌ రోల్స్‌లో నటించిన అనసూయ ఈ మూవీలో డీ గ్లామర్‌‌గా చెర్రికి అత్తగా నటిస్తుందనే వార్త ఇప్పుడు సినిమా సర్కిల్‌లో హాట్ టాపిక్‌గా మారింది.

ఈ మూవీలో అనసూయ రోల్‌కి సంబధించిన షూటింగ్ లొకేషన్ ఫోటోలు ఇప్పటికే వైరల్‌ అయ్యాయి. ఇటీవల కాళ్లకు పట్టీలు, మెట్టెలు ధరించి పల్లెటూరి ఆడపడుచుగా ఉన్న ఫోటో ఒకటి అనసూయ షేర్ చేసింది. అయితే ఇందులో అనసూయ ఫేస్ కనిపించకుండా జాగ్రత్తలు తీసుకున్నారు.

ఇక మూవీలో రామ్ చరణ్- సమంతలు జోడి కడుతుండటంతో అనసూయ సమంతకు తల్లిగా నటిస్తుందా? లేక చెర్రీకి మేనత్తగా మాత్రమే నటిస్తుందా అన్నది సస్పెన్స్. 1985 కాలం నాటి గ్రామీణ వాతారణం నేపథ్యంలో అద్భుతమైన ప్రేమకథా చిత్రంగా ఈ సినిమాను తీర్చిదిద్దుతున్నారు దర్శకుడు సుకుమార్. దేవి శ్రీ ప్రసాద్ సంగీతాన్ని అందిస్తున్న ఈ మూవీ కొత్త షెడ్యూల్ బుధవారం నుండి రాజమండ్రిలో ప్రారంభం కానుంది. జగపతి బాబు, ఆది పినిశెట్టి, ప్రకాష్ రాజ్, రావు రమేష్ తదితరులు నటిస్తున్న ఈ చిత్రాన్ని మైత్రి మూవీ మేకర్స్ వేసవి కానుకగా మార్చి 30న విడుదల చేసేందుకు ప్లాన్ చేస్తుంది.