అన‘సూయ’ పెళ్లైందా! అంటే ఏమందో తెల్సా

సుయ.. సుయ.. అనసూయ అంటూ ‘విన్నర్’మూవీలో ఐటెం సాంగ్‌తో యూట్యూబ్‌ని షేక్ చేస్తోన్న హాట్ యాంకర్ అనసూయ సోషల్ మీడియాలో బాగా యాక్టివ్ అయ్యింది. సుయ.. సుయ సాంగ్‌కు వస్తోన్న రెస్పాన్స్‌కి అమ్మడు ఆనందంలో మునిగితేలుతోంది.

హీరో సాయిధరమ్ తేజ్‌తో ఆడిపాడిన ఈ బ్యూటీ అందాలకు యూత్ ఫిదా అవుతున్నారు. సాంగ్ రిచ్‌గా ఉండటంతో పాటు ఈ హాట్ యాంకర్ ఆటకు సీనియర్ యాంకర్ సుమ పాట తోడు కావడంతో ఈ సాంగ్ బాగా ట్రెండ్ అవుతోంది. దీంతో అభిమానులకు ఫేస్ బుక్ లైవ్‌లో టచ్‌లోకి వచ్చి... తన ఆనందాన్ని పంచుకుంటోంది ఈ ఐటమ్ బాంబ్. చాలాసేపు అభిమానులతో ముచ్చటిస్తూ.. వారు అడిగిన ప్రశ్నలకు ఓపికగా సమాధానం చెప్పింది.

పవన్ కల్యాణ్‌తో సినిమా అవకాశం వస్తే చేస్తారా.. అని ఓ అభిమాని ప్రశ్నించగా ఎవరు వదులు కుంటారు చెప్పండి అంటూ సమాధానమిచ్చారు. తనపై ఓ పాట వస్తుందని అస్సలు అనుకోలేదని ప్రస్తుతం ఆ అవకాశం విన్నర్ సినిమాలో రావడంతో చెప్పలేని సంతోషంగా ఉన్నట్లు వివరించారు.

అభిమానులు కొంత మంది మీకు పెళ్లయిందా అని ప్రశ్నించగా.. అయ్యింది.. ఇద్దరు పిల్లలు అందుకే ఇంత అందంగా ఉన్నాను అంటూ చిలిపిగా సమాధానమిచ్చారు. తాను కొత్తగా చేయబోతున్న టీవీ షో త్వరలో రాబోతోందని అది అందరినీ ఆకట్టునేలా డిజైన్ చేశారంటూ.. టీవీ షోలతో పాటు సినిమాల్లో నటిస్తూనే ఉంటానని నాగార్జునతో కలిసి మళ్లీ నటించే అవకాశమొస్తే తప్పకుండా చేస్తానని స్పష్టం చేశారు.
అనసూయ లైవ్ చాట్ వీడియో:

అనసూయ విన్నర్ మూవీ ‘సుయ.. సుయా.. అనసూయ ఐటమ్ సాంగ్ ఇదే: