అనసూయ ఐటెమ్ సాంగ్‌లో అదే స్పెషల్!

'జబర్దస్త్' షో లో యాంకర్‌గా బుల్లితెరపై తన టాలెంట్‌ను నిరూపించుకున్న అనసూయ.. ఎన్నో స్టేజ్ షోస్‌కి కూడా యాంకర్‌గా పని చేసింది. అప్పట్లో ఎన్ని సినిమా అవకాశాలు వచ్చినా.. రిజక్ట్ చేసిన ఈ బ్యూటీ 'సోగ్గాడే చిన్ని నాయన' చిత్రంతో నటిగా ఎంట్రీ ఇచ్చింది. ఇక క్షణం సినిమాలో నెగెటివ్ రోల్‌లో నటించి మెప్పించింది. ఈ రెండు చిత్రాలు అమ్మడుకి మంచి పేరు తెచ్చిపెట్టాయి. ఇప్పుడు ఐటెమ్ సాంగ్స్‌లో కూడా నటించడానికి సిద్ధమైపోయింది. ఇందులో భాగంలో మెగాహీరో సాయిధరమ్ తేజ్, గోపిచంద్ మలినేని కాంబినేషన్‌లో రాబోతున్న 'విన్నర్' సినిమాలో ఐటెమ్ సాంగ్‌లో నటించడానికి అంగీకరించింది.

అయితే ఈ ఐటెమ్ సాంగ్ 'అనసూయ.. అనసూయ..' అంటూ మొదలవుతుందట. కావాలని అనసూయ పేరు మీదే ఈ పాటను రాయించినట్లు తెలుస్తోంది. ప్రస్తుతం ఈ పాటను సాయిధరమ్ తేజ్, అనసూయలపై ఉక్రెయిన్‌లో చిత్రీకరిస్తున్నారు. ఈ సినిమాకు ఐటెమ్ సాంగ్ హైలెట్స్‌లో ఒకటిగా నిలుస్తుందని భావిస్తున్నారు. ఈ పాట అనసూయ కెరీర్‌కు ఎంతవరకు హెల్ప్ అవుతుందో చూడాలి మరి!