అనసూయ కూడా తప్పుకుంది.. అదే బాటలో హైపర్‌ ఆది!

తెలుగులో మోస్ట్ పాపులర్‌ టెలివిజన్‌ రియాలిటీ షో ఏది అంటే టక్కున గుర్తొచ్చే పేరు జబర్థస్త్‌. టీవీ కామెడీని మరో రేంజ్‌కు తీసుకెళ్లిన ఈ షో ఎంతో మంది లైఫ్‌ ఇచ్చింది. జబర్థస్త్‌ స్కిట్స్‌ ద్వారా ప్రేక్షకులకు పరిచయం అయిన చాలా మంది ఇప్పుడు సినిమాల్లోనూ సత్తా చాటుతున్నారు. గత ఏడేళ్లుగా తెలుగువారి జీవితాల్లో భాగమైపోయిన జబర్థస్త్‌లో ఇప్పుడు భారీ మార్పులు చోటు చేసుకుంటున్నాయి.

ఇటీవల ఈ షో నుంచి జడ్జిగా వ్యవహరిస్తున్న నాగబాబు తప్పుకుంటున్నట్టుగా వార్తలు వినిపించాయి. అధికారికంగా ప్రకటించపోయినా నాగబాబు తప్పుకోవటం దాదాపు కన్‌ఫర్మ్‌ అయిపోయింది. అయితే తాజా సమాచారం ప్రకారం నాగబాబుతో పాటు యాంకర్‌ అనసూయ కూడా ఈ షో నుంచి తప్పుకున్నట్టుగా ప్రచారం జరుగుతోంది.
Also Read: హీరో నాని ఆఫీసులో ఐటీ సోదాలు.. లిస్ట్‌లో మరికొంత మంది ఫిలిం స్టార్స్‌!

జబర్దస్త్‌కు పోటిగా జీ తెలుగులో గ్యాంగ్‌ స్టార్స్‌ అనే ప్రోగ్రామ్‌ను స్టార్ట్‌ చేస్తున్నారు. ఈ షోకు సంబంధించిన ప్రోమో కూడా ఇటీవల విడుదలైంది. ఈ కార్యక్రమానికి జడ్జ్‌గా నాగబాబు, యాంకర్‌గా అనసూయ వ్యవహరించనున్నారని తెలుస్తోంది. అంటే నాగబాబుతో పాటు అనసూయ కూడా జబర్దస్త్‌ను వదిలేయటం ఖాయమనే ప్రచారం జరుగుతోంది.
Also Read: బాలయ్యకు షాక్‌ ఇస్తున్న ఎన్టీఆర్‌.. తాత పాత్రలో జూనియర్‌

అంతేకాదు ప్రస్తుతం జబర్దస్త్‌లో స్టార్‌ కమెడియన్‌గా పేరు తెచ్చుకుంటున్న హైపర్‌ ఆది కూడా ఈ షో నుంచి బయటకు వచ్చేందుకు ప్రయత్నాలు చేస్తున్నాడు. వరుస పంచ్‌లతో అలరించే హైపర్‌ ఆదికి సినిమాల్లోనూ అవకాశాలు బాగా వస్తున్నాయి. అయితే జబర్దస్త్ నిర్వహకులు సినిమాల్లో నటించేందుకు ఆదికి అనుమతి ఇవ్వటం లేదన్న టాక్‌ వినిపిస్తోంది. ప్రస్తుతం షోలో కొనసాగుతున్న త్వరలోనే ఆది కూడా జబర్దస్త్‌కు గుడ్‌బై చెప్పట ఖాయమన్న ప్రచారం జరుగుతోంది.
See Photo Story:'రాగల 24 గంటల్లో' చూపిస్తా అంటుందిగా..ఈ వరంగల్ పిల్లా!