#Me Too: వాళ్లు చేయమంటే మీరు చేస్తారా?: యాంకర్ అనసూయ

గత కొన్నాళ్లుగా ‘మీటూ’ ప్రకంపనలు దేశ వ్యాప్తంగా హాట్ టాపిక్‌గా మారాయి. పలువురు హీరోయిన్లు, సింగర్స్, క్యారెక్టర్ ఆర్టిస్ట్.. ఇలా ఇండస్ట్రీకి చెందిన పలువురు మహిళలు తమపై జరిగిన వేధింపులను ఒక్కొక్కటిగా బయటకు తీసుకువస్తున్నారు. ఈ ఉద్యమం ఉధృతం అవుతున్న సందర్భంలో టాలీవుడ్ నటి, ప్రముఖ యాంకర్ అనసూయ ‘మీటూ’ ఉద్యమంపై స్పందించారు.

‘మీటూ’ ఉద్యమంలో భాగంగా చాలా మంది తనకు జరిగిన వేధింపులను బహిర్గతం చేస్తున్నారు. చాలా సంఘటనలు వెలుగులోకి వస్తున్నాయి. అయితే ఎవరికైతే వేధింపులు జరిగాయో వాళ్లు మాత్రమే బయటకు వస్తే మంచిది. అనవసరంగా చిన్న విషయాన్ని పెద్దది చేసి రాద్ధాంతం చేయకూడదు. ‘మీటూ’ని మిస్ యూజ్ కాకుండా చేయకూడదు.

ఇది సినిమా ఇండస్ట్రీలోనే కాదు ప్రతి చోట ఉంటుంది. పబ్లిసిటీ కోసమో మరోదాని కోసమో ఈ ఉద్యమాన్ని ఉపయోగించుకోవడం కరెక్ట్ కాదు. వాళ్లు చేయమన్నారు నేను చూశాను అంటే కాదు.. నీ అంతరాత్మకు తెలుసు ఏది తప్పు ఏది ఒప్పు అనేది దానికి అనుగుణంగా నడుచుకోవాలి. మన గురించి మనకు మాత్రమే ఎక్కువ తెలుస్తోంది. మనల్ని మనమే కాపాడుకోవాలి. మీ ఇష్టాలేవో మీకు తెలుసు.. నన్ను నేను ఎలా కాపాడుకోవాలనేది ఆలోచించే వాళ్లకు మాత్రమే తెలుస్తోంది. చేసే పనిలో క్లారిటీ ఉంటే ఎలాంటి ప్రాబ్లమ్ రావు అంటూ తన అభిప్రాయాన్ని వ్యక్తపరిచింది అనసూయ.