పవన్ ఫ్యాన్స్‌కి క్లాస్ పీకిన యాంకర్ ఝాన్సీ

‘క్రమశిక్షణే ఆయుధంగా మీ హీరో మంచి పేరు తెచ్చుకున్నాడు. మీరు ఆయనకు ఇచ్చే గౌరవం ఇదేనా? ఇలా గోల చేస్తూ ఆ హీరోకి మచ్చలా తయారయ్యారు మీరంతా. కేవలం కొంతమంది వల్ల ఆయన అభిమానులందరికీ చెడ్డపేరు వస్తోంది. విజయవాడ వస్తే ఇలాగేనా గౌరవించేది. ఎంతో దూరం నుంచి ఈ వేడుకకు వచ్చిన అతిథులను ఇలాంటి నినాదాలతో ఇబ్బందులకు గురిచేయడం సమంజసం కాదని యాంకర్ ఝూన్సీ పవన్ అభిమానులకు క్లాస్ పీకటం టాలీవుడ్‌లో హాట్ టాపిక్ అయ్యింది..

ఫంక్షన్ ఏదైనా సరే పవన్ నామస్మరణతో ప్రాంగణం మారుమోగాల్సిందే. ఆ హీరో ఫంక్షన్ ఈ హీరో ఫంక్షన్ అని లేదు ఏ కార్యక్రమానికైనా పవన్ అభిమానులు వేలల్లో హాజరవుతారు. పవన్ కళ్యాణ్‌కి ఉన్న ఫాన్స్ ఫాలోయింగ్ అటువంటిది.

ఇటీవల చిరంజీవి, రామ్‌చరణ్‌, బన్నీ వంటి మెగా హీరోలతోబాటు ప్రభాస్‌ను కూడా పవన్‌ ఫ్యాన్స్‌ ఇబ్బందులకు గురి చేశారు. అయితే పవన్ ఫాన్స్‌ని వారించే ప్రయత్నం చేసినా లాభంలేకపోవడంతో స్టైలిష్‌ స్టార్‌ అల్లు అర్జున్‌ బహిరంగంగానే తన ఆగ్రహాన్ని వ్యక్తం చేశాడు. తీరు మార్చుకోవాలని పవన్‌ ఫ్యాన్స్‌కు క్లాస్‌ పీకాడు. అయితే పవన్ అభిమానులు మాత్రం తగ్గేదే లేదని ‘వంగవీటి’ఆడియో ఫంక్షన్‌లో మరోసారి రుజువుచేశారు.

మెగా హీరోల సినిమాలకు పవన్ హాజరుకాలేదంటే ఆ వేడుకలో పవన్ అభిమానులు నానా హంగామా చేయడం మామూలు విషయమే. కాని మెగా ఫ్యామిలీతో సంబంధం ‘వంగవీటి’ ఆడియో వేడుకలోనూ గోల చేశారు. విజయవాడలో కె. ఎల్ యూనివర్సిటీ గ్రౌండ్‌లో శనివారం రాత్రి జరిగిన ‘వంగవీటి’ సినిమా ఆడియో విడుదల కార్యక్రమానికి భారీ సంఖ్యలో పవన్‌ ఫ్యాన్స్‌ హాజరయ్యారు. పవర్‌స్టార్‌ నినాదాలతో హోరెత్తించి వేదిక వైపునకు దూసుకొచ్చే ప్రయత్నం చేశారు.

దీంతో స్టేజ్ మొత్తం కదిలిపోతుండటంతో యాంకరింగ్ చేస్తున్న ఝాన్సీ పవన్ అభిమానులను ఉద్దేశించి పవన్ అభిమానులు ఇలా చేయడం కరెక్ట్ కాదంటూ మీలాంటి అభిమానుల వల్లే పవన్‌కి చెడ్డ పేరొస్తుందని ఝూన్సీ వ్యాఖ్యానించింది.

అయితే ఝాన్సీ సీరియస్‌గా క్లాస్ పీకడం నచ్చని పవన్ అభిమానులు ఆమెకు వ్యతిరేకంగా నినాదాలు చేశారు అంతేకాకుండా సోషల్ మీడియాలో సైతం ఝాన్సీకి వ్యతిరేకంగా అనేక పోస్ట్‌లను షేర్ చేస్తున్నారు పవన్ ఫాన్స్.