యాంకర్ లాస్య పెళ్లి పీటలు ఎక్కేసింది

బుల్లితెర యాంకర్ లాస్య తన సోల్ మేట్ మంజునాథ్‌ని పెళ్లి చేసుకుని వివాహబంధంతో ఒకటైంది. జనవరి 29న తమ నిశ్చితార్థ వేడుక జరిగిందంటూ సోషల్ మీడియాలో ఫొటోలను పోస్ట్ చేసి హాట్ టాపిక్‌గా మారిన ఈ యాంకర్ ఈ రోజు (బుధవారం) ఉదయం 11:02 నిమిషాలకు మంజునాథ్‌తో కలిసి పెళ్లిపీటలు ఎక్కింది.

బుల్లితెర యాంకర్‌లలో లాస్యది ప్రత్యేకమైన స్థానం. చీమ ఏనుగు జోక్స్‌తో సంథింగ్ స్పెషల్ అంటూ కుర్రకారులో క్యూట్ యాంకర్‌గా పేరుతెచ్చుకుంది . హాట్ యాంకర్స్ అనసూయ, రష్మీ, శ్రీముఖి.. లాంటివాళ్లతో పోటీని తట్టుకంటూ తనకంటూ ఓ ప్రత్యేకమైన గుర్తింపుని తెచ్చుకొంది. చురుకైన యాటిట్యూడ్ తోనూ అలరించే లాస్య కొన్నాళ్లుగా బుల్లితెరపై కనిపించడం బాగా తగ్గింది. దీంతో.. ఆమెపై రకరకాల గాసిప్‌లు పుట్టుకొచ్చాయి. చివరికి లాస్య ఈ గాసిప్‌లకి తన ఎంగేజ్మెంట్ ఫొటోతో పులిస్టాప్ పడేలా చేసింది.

గత ఏడు సంవత్సరాలుగా మంజునాథ్‌తో గాఢప్రేమలో ఉన్న లాస్య-మంజునాథ్ జంట వివాహబంధంతో ఒకటయ్యారు. వీరి వివాహానాకి టాలీవుడ్, టెలివిజన్ నటులు శుభాకాంక్షలు తెలిపారు.

ఇక బుల్లితెరపై ప్రోగ్రామ్స్ ,ఆడియో పంక్షన్స్ తో బిజీగా ఉండే లాస్య బ్రేక్ తీసుకుని.. 'రాజా మీరు కేక' అనే సినిమాతో రీ ఎంట్రీతో మెరవనుంది.