యాంకర్ రవి ప్రేమకథకు బ్రేక్!

యాంకర్ రవి హీరోగా పరిచమవుతూ నటిస్తున్న చిత్రం ‘ఇది మా ప్రేమ కథ’. ఈ చిత్రంతో రవి సరసన "శశిరేఖా పరిణయం" సీరియల్ ఫేమ్ మేఘన లోకేష్ కథానాయికగా నటిస్తోంది. మత్స్య క్రియేషన్స్, పి.ఎల్.కె ప్రొడక్షన్స్ సంస్థలు సంయుక్తంగా నిర్మిస్తున్నారు. అయోధ్య కార్తీక్ దర్శకుడిగా పరిచయమవుతుండగా.. కార్తీక్ కొడకండ్ల సంగీత సారధ్యం వహిస్తున్నారు.

డిసెంబర్ 8న ఈ చిత్రాన్ని విడుదల చేసేందుకు సన్నాహాలు చేసినప్పటికీ టెక్నికల్ రీజన్స్ వల్ల చిత్రాన్ని వాయిదా వేస్తున్నట్లు చిత్ర యూనిట్ తెలిపింది. ఈ సందర్భంగా చిత్ర నిర్మాత పి.ఎల్.కె.రెడ్డి మాట్లాడుతూ.. పాపులర్ యాంకర్ రవి హీరోగా పరిచయమవుతూ నటించిన ‘ఇది నా ప్రేమకథ’ చిత్రం మంచి ఫీల్ గుడ్ లవ్ స్టోరీ అవుతుందనే నమ్మకం తమకు ఉందన్నారు. ఆ నమ్మకంతోటే ఈ చిత్రాన్ని డిసెంబర్ 8న విడుదలకు ప్లాన్ చేశామని అయితే ఎడిటింగ్‌లో కొన్ని టెక్నికల్ ఇష్యూస్ కారణంగా విడుదల వాయిదా వేస్తున్నామన్నారు. త్వరలోనే మంచి కొత్త రిలీజ్ డేట్‌ను ప్రకటిస్తామని చిత్ర విశేషాలను తెలిపారు నిర్మాతలు.

దర్శకుడు అయోధ్య కార్తీక్ మాట్లాడుతూ.. "ప్రేక్షకులకు ఒక మంచి సినిమా చూశామన్న అనుభూతిని కలిగించడం కోసం చేస్తున్న కృషి చేస్తున్నామని.. మా సినిమా తప్పకుండా అన్నీ వర్గాల ప్రేక్షకులను అలరిస్తుందన్న నమ్మకం ఉంది" అన్నారు.