యాంకర్ శ్రీముఖితో రచయిత సినిమా

నటుడిగా ప్రస్థానం మొదలుపెట్టి రచయితగా అవతారమెత్తిన హర్షవర్థన్ త్వరలోనే దర్శకుడిగానూ మారుతానంటున్నారు. తాను తొలిసారి డైరెక్ట్ చేయబోయే సినిమాలో యాంకర్ శ్రీముఖి ప్రధాన పాత్ర పోషించనున్నట్టు తెలిపిన హర్షవర్థన్... ఈ నెల చివర్లో తన సినిమా సెట్స్‌పైకి వెళ్లనుందన్నారు.

సింగిల్ షెడ్యూల్లో సినిమాను పూర్తి చేయాలని ప్లాన్ చేస్తున్నారు. ఇప్పటికే శ్రీముఖి ఈ సినిమాకు అవసరమైన డేట్స్‌ను కూడా కేటాయించిందట. రొమాంటిక్ థ్రిల్లర్‌గా తెరకెక్కనున్న ఈ మూవీని 'ఒక్క అమ్మాయి తప్ప' చిత్ర నిర్మాత అంజిరెడ్డి నిర్మించనున్నట్టు సమాచారం.