వీడితో ఏం చేస్తాం అని నో అన్నారు: విజయ్ దేవరకొండ

విజయ్ దేవరకొండ, రష్మిక మందన్న జంటగా పరశురాం దర్శకత్వంలో వచ్చిన ‘గీత గోవిందం’ విజయవంతంగా ప్రదర్శితమవుతోంది. మంచి కలెక్షన్లతో బాక్సాఫీసు వద్ద దూసుకుపోతోంది. వినూత్నమైన ప్రేమకథా చిత్రంగా విమర్శకుల ప్రశంసలు అందుకుంటోంది. ఇప్పటికే పలువురు సినీ ప్రముఖులు ఈ చిత్ర యూనిట్‌ను అభినందించారు. కాగా, యాంకర్ సుమ తాజాగా ‘గీత గోవిందం’ దర్శకుడు పరశురాం, హీరోహీరోయిన్లు విజయ్, రష్మికలను ఇంటర్వ్వూ చేశారు.

ఇంటర్వ్యూలో భాగంగా విజయ్ దేవరకొండ కొన్ని ఆసక్తికర విషయాలు చెప్పారు. చిత్రంలో గీత పాత్ర కోసం దర్శక, నిర్మాతలు సుమారు 25 మంది అమ్మాయిలను పరిశీలించారట. వీళ్లలో సుమారు ఎనిమిది మంది పేర్లు విజయ్ దేవరకొండ వద్దకు వెళ్లాయి. అయితే వాళ్లలో చాలా మంది నో చెప్పారట. ‘స్టార్ హీరోలుండగా ఈ విజయ్ గాడితో ఏం చేస్తాం’ అని వాళ్లంతా నో చెప్పారని విజయ్ వెల్లడించారు. అయితే ఈ విషయం తనతో చెప్పలేదని దర్శకుడు పరశురాంతో అన్నారని తెలిపారు.

వాస్తవానికి ఈ సినిమాను విజయ్ అంగీకరించిన సమయానికి ‘అర్జున్‌రెడ్డి’ విడుదల కాలేదు. అందుకే విజయ్ అంటే ఎవరో తెలియక హీరోయిన్లు నో చెప్పి ఉంటారని సుమ అభిప్రాయపడ్డారు. మరిన్ని విశేషాల కోసం ఈ ఇంటర్వ్యూ చూడండి..