ఎన్టీఆర్ టీవీ షోకి నో చెప్పిన యాంకర్ సుమ ?

యంగ్ టైగర్ ఎన్టీఆర్ హోస్ట్‌గా బిగ్ బాస్ రియాలిటీ టీవీ షో సెట్స్‌పైకి వెళ్లనున్న సంగతి తెలిసిందే. అయితే, ఈ రియాలిటీ షోలో పాల్గొనేందుకుగాను నిర్వాహకులు యాంకర్ సుమని కూడా ఆశ్రయించారట. బుల్లితెరపై భారీ ఫ్యాన్ ఫాలోయింగ్ కలిగిన యాంకర్ సుమ ఈ రియాలిటీ షోలో పాల్గొంటే, ఆమె పార్టిసిపేషన్ తమ షోకి అదనపు ఆకర్షణ అవుతుందని నిర్వాహకులు భావించారు. కానీ సుమ మాత్రం వారి విజ్ఞప్తిని సున్నితంగానే తిరస్కరించిందట. తాను ఓ నెల రోజులకన్నా ఎక్కువ డేట్స్ కేటాయించలేను. అది కూడా ఇంటికి దూరంగా అన్ని రోజులు వుండటం కుదరదు అని చెప్పారట ఆమె.

ఇప్పటికే ఎన్నో గేమ్ షోలకి యాంకరింగ్ చేస్తుండటం... అవన్నీ కూడా ఎప్పుడో గతంలోనే సైన్ చేసినవి అయ్యి వుండటం వంటివి సుమకి ఓ అడ్డంకిగా మారి వుండవచ్చు. లేదా ఇన్నేళ్లకాలంలో ఎన్నో గేమ్ షోలలో హోస్ట్‌గా పార్టిసిపెంట్స్‌ని ఆటాడించిన ఆమెకి మరో రియాలిటీ షోలో 100 రోజులపాటు బంధీ అవడం ఇష్టమైనా లేకపోయి వుండవచ్చు. ఏదేమైనా ఆమె 'బిగ్ బాస్‌'కి నో చెప్పడం మాత్రం బిగ్ బాస్ షో నిర్వాహకులని కొంత డిజప్పాయింట్ చేసేదే అంటున్నాయి పరిశ్రమవర్గాలు.