పవన్ కళ్యాణ్‌కు అనిరుధ్ కానుక అదుర్స్!

పవర్ స్టార్ పవన్ కళ్యాణ్ హీరోగా నటిస్తోన్న ‘అజ్ఞాతవాసి’ జనవరి 10న విడుదలకు సిద్ధం అవుతోంది. త్రివిక్రమ్ దర్శకత్వంలో తెరకెక్కుతోన్న ఈ సినిమా పట్ల భారీ అంచనాలు ఉన్నాయి. తమిళ యువ సంగీత దర్శకుడు అనిరుధ్ ఈ చిత్రానికి సంగీతం అందిస్తున్నారు. పవన్ చిత్రం ద్వారానే ఆయన టాలీవుడ్‌లో మ్యూజిక్ కంపోజర్‌గా అడుగుపెడుతున్నారు. ఈ చిత్రానికి సంబంధించి రెండు పాటలు విడుదల చేయగా అభిమానుల్ని ఎంతగానో ఆకట్టుకున్నాయి.

అజ్ఞాతవాసి ఆడియో విడుదల కోసం ఏర్పాట్లు చేస్తున్న చిత్ర యూనిట్.. ప్రమోషన్ కార్యక్రమాలను ప్రారంభించింది. పవన్ కళ్యాణ్‌‌కు గౌరవ సూచికగా.. మ్యూజిక్ డైరెక్టర్ అనిరుధ్ స్పెషల్ వీడియో సాంగ్‌ను రూపొందించారు. పవన్ సినిమా కెరీర్ బ్యాక్‌గ్రౌండ్లో కనిపించేలా ఈ వీడియో సాంగ్‌ను తీర్చిదిద్దారు. గాలి వాలుగా పాటకు సింపుల్ స్టెప్స్ వేస్తూ అనిరుధ్ కనిపించగా.. పవన్ బ్లాక్ బాస్టర్ హిట్‌లను మరోసారి అభిమానులకు గుర్తు తెచ్చేలా.. ఈ పాటను రూపొందించారు. చక్కటి గ్రాఫిక్స్‌తో అజ్ఞాతవాసి టీం కోసం అనిరుధ్ రూపొందించిన వీడియో సాంగ్ ఆకట్టుకునేలా ఉంది.