‘లీసా’ టీజర్: త్రీడీ‌లో అంజలి దెయ్యం హడల్..

గీతాంజలి, చిత్రాంగథ వంటి హర్రర్ చిత్రాల్లో నటించి మెప్పించిన టాలీవుడ్ సీతమ్మ అంజలి మరోసారి దెయ్యం అవతారం ఎత్తింది. ఈ మధ్యకాలంలో హర్రర్ చిత్రాలకు ఆదరణ పెరుగుతున్న నేపథ్యంలో ‘లీసా’ అనే చిత్రాన్ని త్రీడీ టెక్నాలజీతో రూపొందిస్తున్నారు. తాజాగా ఈ మూవీ టీజర్‌ను విడుదల చేసింది చిత్ర యూనిట్. తెలుగు, తమిళ భాషల్లో ఏకకాలంలో తెరకెక్కిస్తున్న ఈ చిత్రానికి రాజు విశ్వనాథ్ దర్శకత్వం వహిస్తున్నారు. ‘24’ చిత్రానికి రచనా సహకారం అందించిన రాజు విశ్వనాత్ ఈ చిత్రం ద్వారా దర్శకుడిగా పరిచయం అవుతున్నారు.

త్రీడీ టెక్నాలజీతో దెయ్యాన్ని చూపించి థ్రిల్ చేసే ప్రయత్నం చేస్తున్నా.. కంటెంట్ మాత్రం పాత చింతకాయ పచ్చడిలాగే కనిపిస్తుంది. ఓ పాత ఫామ్ హౌస్‌.. అందులో ఓ దెయ్యం.. కుర్చీలు ఊగడం.. కర్టెన్స్ కదలడం.. కరెంట్ పోవడం లాంటివి బ్లాక్ అండ్ కాలం నుండి చూస్తునే ఉన్నాం. అయితే హారర్ చిత్రాలకు ఉన్న క్రేజే వేరు. ఇక టీజర్‌తో పెద్దగా భయపెట్టలేకపోయిన అంజలి దెయ్యం.. ‘లీసా’ మూవీతో దడపుట్టిస్తుందేమో చూడాలి.

‘లీసా’ టీజర్ కోసం క్లిక్ చేయండి..