గూగుల్ తల్లే.. బాలయ్యకి 104 ఏళ్లా?

గూగుల్‌ మరోసారి తప్పులో కాలేసింది. అప్పట్లో మాజీ ప్రధాని నెహ్రూ ఫోటోకి బదులుగా మోదీ ఫోటోని.. నోబెల్‌ గ్రహీత ఠాగూర్ స్థానంలో ఆధ్యాత్మిక వేత్త శ్రీ అరబిందో ఫొటోని పెట్టి అభాసుపాలయ్యారు. ఇలాంటి పొరపాట్లనే అలవాటుగా చేసుకున్న గూగుల్ తల్లి ఇటీవల నందమూరి బాలకృష్ణను చంపేసింది. బాలయ్య పేరుతో ఉన్న వికీపీడియాలో ఆయనకు సంబంధించిన పూర్తి సమాచారాన్ని పొందుపరిచారు. అయితే 23 ఏళ్ల క్రితమే అనగా.. 1995లోనే ఆయన మరణించినట్టుగా వికీపీడియాలో దర్శనం ఇచ్చింది. అంతేకాదు ఆయన బెంగుళూరులో మరణించినట్టుగా ప్లేస్ కూడా డిసైడ్ చేసేశారు. ఇది జరిగి వారం గడవక ముందే మళ్లీ బాలయ్య విషయంలో మరో తప్పిదం చేసింది గూగుల్ తల్లి.
‘బాల‌కృష్ణ‌ పుట్టినరోజు’ అని తెలుగులో సెర్చ్ చేస్తుంటే ఆయన వయస్సు 104 ఏళ్లు అని.. సెంచరీ క్రాస్ చేసి నాలుగేళ్లు అయ్యిందంటుంది గూగుల్. ఎప్పుడో 1913 నవంబర్ 2న బాలయ్య పుట్టినట్టుగా చెప్పుకొస్తుంది. అదేంటి బాలయ్య పుట్టింది 1960 జూన్ 10. ఇప్పటికి ఆయన వయసు 58 ఏళ్లు. మరి గూగుల్ తల్లేమో 104 అంటూ వందేళ్లు దాటిన వృద్దుడ్ని చేసేసింది. పాపం మొన్నేమో ఏకంగా బాలయ్యను చంపేశారు.. ఇప్పుడేమో 104 ఏళ్లు క్రాస్ చేశాడని అంటున్నారు. బాలయ్యకి ఆయన ఫ్యాన్స్‌కి తిక్కరేగి దబిడిదిబిడి వాయించకముందే జరిగిన తప్పును సరిదిద్దుకుంటే మంచిది గూగుల్.