నయన్ సినిమాలో విలన్‌గా అనురాగ్ కశ్యప్

ప్రముఖ బాలీవుడ్ దర్శకుడు, నిర్మాత అనురాగ్ కశ్యాప్ తమిళ సినిమాలో నటిస్తున్నారు. ఆయన నయనతార నటిస్తున్న సినిమాలో విలన్ గా చేస్తున్నారు. డైరెక్టర్ గా హిందీలో బ్లాక్ ఫ్రైడే, దేవ్ డి, గులాల్ వంటి సినిమాలు తీశారు. రచయితగా ఎన్నో సినిమాలకు పనిచేశారు. నటుడిగా మాత్రం ఇలా తెరపై సెకన్ల పాటూ కనిపించే అతిధి పాత్రలు తప్ప పెద్దగా ఏ సినిమాలోనూ నటించలేదు. మొదటిసారి తమిళ సినిమాలో ముఖ్య రోల్ చేస్తున్నారు. అజయ్‌ జ్ఞానముత్తు దర్శకత్వంలో ఓ థ్రిల్లర్ సినిమా తెరకెక్కుతోంది. ఇందులో అధర్వ హీరోగా చేస్తున్నారు. ఇది సస్పెన్స్, థ్రిల్లర్ సినిమా. నయనతార హీరోయిన్ గా, అధర్వ హీరోగా చేస్తున్నారు. రాశీఖన్నా మరో ముఖ్య పాత్ర చేస్తోంది. కాగా నయన తార ఇందులో నాలుగేళ్ల పిల్లకి తల్లిగా పూర్తి స్థాయి రోల్ లో కనిపిస్తుంది.

స్టార్ హీరోయిన్లు తల్లి పాత్రల్లో చేయడానికి అస్సలు ఇష్టపడరు. పెద్ద వయసు నటీమణుల్లోకి చేరిపోతామేనని భయపడతారు. కానీ నయన్ తల్లిగా నటించేందుకు సిద్ధమైంది. గతంలో కూడా ఆమె ఓ బాబుకి తల్లిగా తులసి సినిమాలో నటించింది. మయూరి సినిమాలో కూడా పసిబిడ్డకి తల్లిగా కనిపించింది మిగతా స్టార్ హీరోయిన్లెవరు ఇంత రిస్క్ తీసుకోవడంలేదు. నయన్ ఈ మధ్య లేడీ ఓరియంటెడ్ సినిమా వైపే మొగ్గుచూపుతోంది. అందులోనూ థ్రిల్లర్, హారర్ సినిమాలను చేయడానికి ఇష్టపడుతోంది. ఆ సినిమాలలో డీ గ్లామర్ గా కనిపించడానికి కూడా సిద్ధమైపోతోంది. మయూరి సినిమా తరువాత ఆమె డోర అనే సస్పెన్స్, థ్రిల్లర్, హారర్ మూవీలో నటించింది. ఇప్పుడు మళ్లీ అలాంటి కథతోనే ముందుకొస్తుంది. తాజాగా ఆమె నటిస్టున్న హారర్ చిత్రం షూటింగ్ దాదాపు పూర్తయినట్టే. క్లైమాక్స్ సీన్లను చిత్రీకరిస్తున్నారు.